Bato, ‘siga’ sa Munti

Miasumir na si kanhi Philippine National Police (PNP) chief Ronald “Bato” Dela Rosa sa iyang bagong katungdanan isip director sa Bureau of Corrections (Bucor) nga maoy nagpadagan sa National Bilibid Prison sa Muntinlupa ug sa ubang mga

penal institutions sa tibuok nasod. Kini gong atong penal

system daghan og mga sanga sama sa Iwahig Penal Colony sa Palawan, San Ramon Penal Farm sa Zamboanga City, Davao Penal Farm sa Panabo, Davao, Leyte Regional Prison sa Abuyog, Sablayan Penal Farm sa Occidental Mindoro ug ang Correctional for Women gidumala sa Bucor ubos sa Department of Justice.

Samtang ang nga provincial jails gidumala ubos sa provincial government ug ang mga city ug municipal jails ubos sa Bureau of Jail Management and Penolo y (BJMP) nga ubos sa Department of Interior and Local Government (DILG).

Sa pag-asumir ni de la Rosa, iya dayong gipatawag ang mga notadong druglords nga nabilanggo karon didto sa Munti sama nila ni Peter Co, JB Sebastian, Henry Colangco ug uban pa. Iyang gi-warningan ang maong mga inilang druglords nga usa ray “siga” didto sa Munti ug mao ra siya si “Bato.” Daghan sa mga drugas nga mikuyanap sa nasod gikan mismo sa Munti. Bisan kinsa pay nabutang nga Secretary of Justice ug ingon man Bucor chief wala yud makasumpo sa pagpalusot og illegal nga drugas sulod sa NBP. Ambot og gikan ba sa sulod o gikan sa gawas ang drugas apan ang transaksiyon sa mga

druglords ug sa ilang contact sa gawas gipaagi lang sa contact sa cellular phones.

Sa pag-asumir ni Duterte iya nang gipanghulipan ang mga opisyal ug mga jailguards sa Munti sa mga sakop sa Special Action Force (SAF). Apan wala gihapon mahunong ang palusot sa drugas sa maong bilangguan.

Kurapsiyon gihapon ang hinungdan kay anaa ang dakong kuwarta diha. Sumala god ang mga pipitsugin nga mga drug pushers sa una sama nila ni Jeffrey “Jaguar” Diaz ug Kerwin Espinosa, paggawas gikan sa Munti, nahimo nang mga druglords. Ambot og masumpo ba kaha kini ni Bato?