Pareha og bansagon
Dear Atty. Joan,
Ako si Gracia. Naa koy nakapuyo na nagpangalan og Berto og nagbunga amo panag-uban og usa ka anak. Sa pipila ka tuig na nagpuyo mi ni Berto, wala dyud mi nakasal, wala sad nadala ang sa ako anak ang apelyido o bansagon sa iya papa kay nakasal na diay ni si Berto sa lain.
Pagkahuman og pipila ka-tuig na pagpuyo, ang amo relasyon ni Berto kay naaslom na. Wala na dyud mi nagkasinabtanay. Mao nakadesider nami na magbuwag nalang. Sa among pagbuwag kay naa ra sa akoa ang kustodiya sa amo anak. Karun kay nahibaw-an lang nako na naa siyay gi-file na kaso sa korte para iusab ang apelyido sa ako anak og makuha ni Berto ang kustidiya sa amo anak. Ang amo anak kay nag edad na og doce anyos pa lamang. Pwede ra diay na iya mapailisdan ang apelyedo sa ako anak? Makuha ra ba niya ako anak?
Gracia
Dear Gracia,
Dili mapugos ni Berto na ang iyang apelyido ang gami- ton sa inyo anak. Dili makuha ni Berto ang kustodiya sa inyo anak kay gihatagan og katungod sa balaod na naay kustodiya sa usa ka ilihitimong anak kay ang iya inahan puywera lang kung kini kay dili angayan. Mao ikaw ang naay kustodiya sa inyong anak.
Ayon sa atong Family Code, kung dili gani kasado ang inahan og amahan sa bata kay ang apelyido dyud sa inahan ang gamiton. Ang inahan sad ang naay authoridad sa pagpadako sa ilihitimong anak. Pero mahimo ra magamit sa bata ang apelyido sa amahan kung giila sila sa ila amahan na makita sa record sa iya pagkatao sa civil register o sa pag-angkon sa amahan pinaagi sa dokumento na ginotaryohan o sa kinamot na pagsuwat na gihimo sa amahan. Kining balaoda kay nagpakasabot lamang na ang anak ang naay katungod na mupili kung iya ba gamiton ang ape- lyido sa iya amahan.
Ang una dyud tan-awon sa atong korte kay kung unsa ang pinakamaayo para sa bata. Ang ilihitimo na anak kay dili mapugos na ipagamit sa iyaha ang apelyido sa amahan. Kay ang inahan man ang gihatagan og katungod sa pagpadako sa usa ka ilihitimong anak, mao sad ni ang naay katungod sa kustodiya sa bata, puyra lang kung makitaan kini na dili angayan na magpadako sa iya anak.
Atty. Joan
Pahibalo: Kini opinyon lamang nga nag-base sa inyong lakbit-saysay ug kini pwede nga mausab kon dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimo kamong mo-kontak sa hotline 0908-896-0355.