PBA nagplanong idili ang pag-trade sa No.1 draft pick sulod sa 3 ka tuig
Adunay panagsumpaki tali sa mga board of governor sa Philippine Basketball Association (PBA) kabahin sa plano nga dili na mahimong i-trade ang No.1 draft picks sulod sa taastaas nga panahon.
Usa ka tinubdan ang nagkanayon nga nagsugod na ang pagtuki ang mga representante sa 12 ka miyembrong teams kabahi sa impementasyon sa protected No. 1 draft picks.
“The board is already discussing that. There are some governors who are for it. Hopefully, something concrete comes out of it,” matod sa tinubdan ngadto sa Spin.ph.
Wala pa man tuod opisyal nga pahibalo kabahin niini apan matod sa tinubdan nga gusto sa mga niuyon niini nga ang protected No.1 draft picks molanat og duha ngadto sa tulo ka mga tuig.
Aduna sa'y plano nga gamiton kining maong balaod sa top three picks.
“It’s still fluid at this point. But hopefully, it will happen,” asoy sa tinubdan.
Kining maong lakang nahitabo usa ka buwan human sa kontrobersyal nga pag-trade sa Kia (Columbian Dyip sa pagkakaron) sa ilang katungod sa No.1 pick ngadto sa San Miguel Beermen nga giuyonan ni kanhi commissioner Chito Narvasa.
Gisupak kini sa kadaghanan sa board members ug mao kini hinungdan nga napalagpot si Narvasa sa iyang katungdanan ug nahulip si Willie Marcial.
Ang maong kontrobersyal nga trade nakahatag sa San Miguel og kahigayunan sa pagpili kang Fil-German Christian Standhardinger isip No.1 overall pick.
Sa pag-abot ni Standhardinger sa San Miguel, giingong puwerte na ka lisod lumpagon sa puwersa niini nga gipangulohan nila ni JuneMar Fajardo, Arwind Santos, Marcio Lassiter, Chris Ross ug Alex Cabagnot.