Apil sa gidiling drugas di pabotaran ni Quisumbing

Giawhag ni Mandaue City Mayor Luigi Quisumbing ang mga botante sa dakbayan sa Mandaue nga di botaran ang mga narco-politicians ugmang adlawa.

Kini human ang Mandaue City Police Office (MCPO) nipagawas og listahan nga nalambigit sa 11 ka mga kandidato, 8 niini sa barangay ug 3 sa Sanguniang Kabataan, nga adunay kalambigitan sa iligal nga drugas.

Ang nigawas nga listahan gikompirmar mismo sa hepe sa MCPO nga si PSSUpt. Roberto Alanas niadtong Biyernes.

"Akong giawhag ang mga botante sa Mandaue sa karong umaabot eleksyon to make sure to vote our resounding no against narcopoliticians,’ ni Quisumbing sa mga tigbalita.

Nanghinaot ang mayor nga di tugutan sa mga botante nga makadaog sa piniliay ang mga narcopoliticians aron di masayang ang kahago sa MCPO, PDEA ug ni Presidente Rodrigo Duterte nga hinayhinay’ng masugpo ang iligal nga drugas.

Paambit sa mayor sa Superbalita Cebu nga kini maoy usa sa mga rason nga naningkamot siya uban sa ubang personalidad sa dakbayan aron mamintinar ang “equity of the incumbent.”

“We were hoping that those current barangay officials would be able to win again so that interrupted ang atong fight against crime and our fight against drugs and other illegal activities. Unfortunately, with the watchlist being released. It appears that there may be movement in the side of narcopoliticians,” sigun pa sa mayor.

Sa watchlist sa MCPO, pito ka mga barangay ang gibantayan sa kapulisan diin naggikan ang nalakip sa listahan.