DUTERTE WA MAKABOTAR SA ELEKSYON

Si Presidente Rodrigo Duterte wa mobotar sa dungan nga 2018 Barangay ug Sangguniang Kabataan elections kagahapon.

Mao kini ang gikompirmar ni Special Assistant to the President Christopher “Bong” Go sa usa ka text message sa SunStar Philippines.

“None,” matod sa special aide ni Duterte, kon ang Presidente nakabotar na ba sa iyang gigikanang Dakbayan sa Davao.

Wa na motubag si Go dihang gipangutana kon nganong gipalabi ni Duterte nga di mobotar.

Apan mga election inspector nga nadestino sa Daniel R. Aguinaldo National High School niingon nga sirhan ang presento mga alas 3 sa hapon.

“We make our own decisions here because we are the BEI... We will not extend. We are just following the rules,” matod ni election inspector Jean Villavert.

Wa sila makadawat og notisya nga si Duterte mobotar.

“Maybe next time, we can see him in person,” nagkanayon si Villavert.

Ang Daniel R. Aguinaldo National High School sa Davao City niandam og lahi nga polling precinct ug niandam sa makasaysayanong armchair nga gigamit ni Duterte dihang siya nibotar niadtong May 9, 2016 national elections.

Gipaabot na ang di pagbotar ni Duterte sa dungan nga elections kay nagsige na siya og ingon nga siya nabalaka sa reelectionists ug ubang aspirants nga nalambigit sa illegal drugs hayan modaug sa eleksyon.

Ang eleksyon sa barangay ug SK kaduha na nauswag.