Mga tanod sa Brgy. Tabok gireklamo
Nireklamo sa butahan sa Commission on Elections (Comelec) ang usa ka supporter sa kandidato sa Barangay Tabok, dakbayan sa Mandaue tungod sa “pagposte-poste” sa mga tanod duol sa polling center.
Kini maoy gipaambit ni
election assistant Jacqueline Reuyan sa dihang nahinabi sa Superbalita Cebu kagahapon.
Matod ni Reuyan, ang gihimo sa mga tanod sa barangay nakalapas sa section 32 sa Comelec Resolution 10211 kon General Instructions for the Members of the Electoral Boards and Barangay Board of Canvassers (BBoCs) alang sa Barangay ug Sangguniang Kabataan (SK) elections.
Base sa section 32 sa maong resolusyon nga ang mga tanod, pulis, mga sundalo o tanang mga armado o di armadong
“extra legal police forces” ug mga kasamtangang opisyal gidid-an sa pagpaduol sa polling
place sud sa 50 metros. Ang gibuhat sa Comelec Mandaue mao gipahimangnuan niini ang kapulisan sa pagbadlong sa mga tanod aron nga kini mohawa sa polling centers.
Nadawat sa buhatan sa Comelec ang maong reklamo mga alas 10 sa buntag.
Sa kinatibuk-an, hapsay ang dagan sa piniliay sa barangay ug SK sa tanang mga barangay sa dakbayan.
Apan sa Brgy. Subangdaku, way inner cover ang usa ka ballot box hinungdan nga gimanomano nalang kini’g tabon sa tigbantay.
Samtang sa Barangay Umapad, nahabilin ang yawe sa usa ka ballot box maong di kini maablo.
Matod ni Reuyan nga nanawag kaniya ang usa ka
watcher sa kandidato kalabot sa maong insidente apan iyang giingan ang maong
watcher nga nataho na ang maong problema nga responsible sa maong problema.
Pasado alas 12 sa udto, nataho sa treasurer ang maong problema aron kini masolusyunan.
“Ang instruction sa treasurer nga ipaguba lang ang yawe then papangayua lang og lain nga padlock sa office sa Comelec," ni Reuyan ning mantalaan.
Gawas niini, laing mga ginagmay nga reklamo nga nadawat sa Comelec mao nga adunay mga botante ang niduol sa ilang buhatan nga nagkanayong wa sila makakakita sa ilang mga pangan sa listahan. “Wala sila sa lista pero pag
check sa ilang ngan sa among system, naa ra diay,” matod ni Reuyan.
Mga napulo ka botante ang niduol sa buhatan ni Reuyan kalabot sa maong problema, samtang laing 5 ka mga botante ang nasagmuyo human mahibaw-i nga na-deactivated na ang ilang pangan sa Comelec.
Pipila ka mga tawag sab ang nadawat sa ComelecMandaue nga nitaho og vote
buying apan sigun ni Reuyan nga sagad niini, mga sultisulti lang og walay nipatim-aw sa ilang buhatan sa opisyal nga pagreklamo batok sa vote-buying.