MAY TAWO NGA MIPUYO SA MARS?
Mga imahe sa daw “fossilised” nga kalabera nga natago sa abugon nga uma sa Mars gikahingangha sa mga UFO hunter ug mihatag og kahinam nunot sa sinyales nga adunay “extraterrestrial” nga kinabuhi sa Mars.
Si Online UFO hunter ug selftitled space journalist Joe White, 45, nangangkon nga iyang nakit-an niya ang karaang nga alien nga nagpuyo sa Mars.
Kining pangangkon nga gitaho sa express.co.uk nitumaw sa online human si White migahin og pipila ka oras nga nangutingkay sa mga hulagway nga nakuha sa Mars Curiosity Rover nga gibutang sa NASA.
Ang mga imahe sa porma sa bato niporma sa usa ka kalabera gipaambit sa online pinaagi sa YouTube channel nga ArtAlienTV nga iyaha ni White.
Matod ni White nga ang kalabera may sukod nga duha ka tiil diin ang tag-iya niini hayan anaa sa 15 ka tiil ang gitas-on.
Iyang gihulagway sa video nga higante kini nga kalabera diin gipangtuldo niya ang apapangig ug mga mata gilakip usab niya paghisgot ang mga ngipon nga naihap niyang pito ka buok.
Ang video nalantaw sa mosobra sa 8,000 ka higayon sukad na-upload kini ang mga tawo naghinamhinam sa unsay kalambuan niini.
“Outstanding finds. The large skull has detail that’s indisputable. And its dead-on at you. Big thanks for this,” nagkanayon ang komentaryo ni Lee Roberts didto sa YouTube.
Laing mikomentaryo nga si Lauren Pinatino nagkanayon nga daghan pa kaayo nga mga butang sa Mars ang wa madiskubrihi.
Matod ni George Mair sa iyang komentaryo nga ang kalabera posibli nga nakulit sa dako nga kahoy nga tukon o kaha sa kahoy.
Samtang, adunay sayon nga pagpasabot sa mga imahe nga nakita sa video ug si White nipasabot niini.
Ang hitsura sa kalabera nga anaa sa Martian rock paingon kini sa psyhological phenomenon nga gitawag og Pareidolia.
Ang Pareidolia usa ka gamay nga lipat sa utok nga moresulta nga ang tawo makakita og paglaum ug sulundan nga wa kini mapakita.
Ang mga UFO hunter kasagaran moasumir nga ang lahi nga porma sa bato o anino nga anaa sa buwan o Mars ebidensiya kini nga may kinabuhi nga nagpuyo sa taas nga katuigan sa dapit.
Si White nipadayag nga ang naasoyng imahe hayan Pareidolia kini o kaha mga bangag sa bato.
Si Cosmologist Carl Sagan nitumbok sa Pareidolia niadtong 1995 nga usa kini sa survival tool nga gipalambok sa mga tawo aron maila ang mga kontra gikan sa ilang mga higala.
Nitataw si Sagan sa iyang teoriya nga sa higayon nga ang bata makakita, makamayong sa nawong ug nasayod kini nga mapatik na kini sa iyang alimpatakan.