Mga classmate ni Loot mikondenar sa pag-ambush

Gihangop sa Police Regional Office (PRO) 7 ang pagduol sa pamilyang Loot sa National Bureau of Investigation (NBI) 7 aron magpatabang sa pag-ambush sa mayor niadtong Dominggo sa buntag sa lungsod sa Daanbanayan.

Nipagawas og pamahayag ang tanang classmate ni Mayor Vicente Loot sa Philippine Military Academy (PMA) Sandigan class of 1982 Association Incorporated aron awhagon ang mga awtoridad sa dinalian nga kasulbaran sa suway nga pagpatay sa opisyal pinaagi sa pagbanhig sa iyang sakyanan niadtong Dominggo sa buntag.

Ila usab nga gikondinar ang tinalawan nga hinimoan sa armadong mga lalaki nga niangol sa driver ug ubang mga miyembro sa pamilyang Loot.

Ang PRO 7 nipasalig kang Loot ug sa PMA Sandigan nga nagsugod na sa ilang lawom nga imbestigasyon ang task group.

Matod ni Supt. Reynan Tolentin nga dako kaayo og matabang ang NBI sa pagpadali sa imbestigasyon ug andam ang kapulisan nga makig-alayon.

Gihimakak hinuon sa kapulisan ang pagduda ni Loot nga susama ang estelo sa nahitabo kang negusyante Wellington Lim sa pagbanhig kaniya, diin ang mga suspek nigamit og taas nga kalibre sa armas.

Matod ni Tolentin nga wa pa silay ebedensya nga usa ra ka grupo ang nibanhig kang Lim ug kang Loot gawas kon adunay ebidensya nga magdugtong niini

Niadtong miaging adlaw, ang mga imbestigador sa SITG lakip na ang deputy regional director for operations nikuha nag pamahayag kang Loot alang sa pagsugod sa imbestigasyon.

ALLAN CUIZON GISUSI: Ang dapit sa Maya wharf sa Barangay Maya, Daanbantayan, amihanang Sugbo gisusi sa kapulisan alang sa usa ka reenactment sayo ning semanaha. /