Suns nakaangkon sa NBA No.1 pick sa unang higayon
Naangkon sa Phoenix Suns ang katungod sa pagpili sa No.1 overall pick sa National Basketball Association (NBA) Rookie Draft sa sunod buwan. Kini maoy labing unang higayon nga makapili sa No.1 overall pick ang Suns. Ning higayuna, ang Suns maoy naggunit sa saktong kumbinasyon sa mga bola sa pingpong nga migawas sa draft lottery kagahapon.
Niadtong 1969, ang Phoenix napilde sa Milwaukee Bucks sa toss coin nga maoy gigamit aron ilugan ang No.1
overall pick. Gikuha sa Bucks niadtong higayuna si Kareem Abdul-Jabbar, kinsa usa sa labing maayong magduduwa sa kasaysayan sa NBA.
Ang rookie draft ning tuiga ipahigayon karong Hunyo 21 sa Barclays Centre sa Brooklyn.
Mopili sa No.2 mao ang Sacramento Kings unya No. 3
ang Atlanta Hawks.
Ang Suns aduna na’y tulo ka mga magduduwa nga posible nilang pilion isip No.1 overall pick.
Kini mao sila si Deandre Ayton, Marvin Bagley III ug Luka Doncic.
Si Ayton nagduwa kanhi sa Arizona sa college basketball samtang si Bagley lumad nga taga Arizona.
Bisan kinsa ang mapili sa Suns, gituohang makatabang kini kanila og dako alang sa ilang kampanya sa sunod nga season.
Ang Suns nagkagidlay sa miaging tulo ka mga tuig diin gihimo lang silang praktisanan sa ilang mga kontra.
“It’s not a race,” matod ni Josh Jackson, kinsa bag-o lang nakahuman sa iyang rookie
season sa Suns.
“We’re going to progress at our pace. Any progression is good progression, in my opinion. So wherever we are, hopefully we keep taking steps forward.”