SK training gipahigayon
What we are doing now is to have an intervention to ensure that we do not commit the mistakes of the past. We provide the SK with competence so that they will be able to govern with competence.”
Dugang ni Delantar.
Sugod kagahapon, kapin sa 9,600 ka mga opisyal sa Sangguniang Kabataan sa tibuok Sugbo ang gipaubos sa mandatory training ug orientation sa dili pa sila moasumir sa katungdanan sa Hulyo 1.
Si Rene Burdeos, director sa Department of Interior and Local Government (DILG) 7, niingon nga ang training gimando ubos sa SK Reform Law aron mapasabot ang kabatan-onan sa reform program sa SK ug sa mga lagda ug responsibilidad sa di pa sila molingkod sa katungdanan.
Matod niya, lakip sa mga topic nga gitudlo ngadto sa nidaug nga mga opisyal sa SK ang kabahin sa nasyonalismo, kasaysayan sa SK ug SK Reform Act, youth development, planning ug budgeting, unsaon pag-andam og resolusyon ug ordinansa ug unsaon pagpahigayon og tigom.
Apil usab ang kabahin sa Republic Act 6713 kun Code of Conduct and Ethical Standards for Public Officials and Employees.
Kagahapon, gisugdan ang training sa unang batch sa 640 ka mga opisyal sa SK gikan sa 80 ka mga barangay sa siyudad sa Sugbo ang gipaubos sa mandatory training sa Cebu Institute of Technology-University (CIT-U).
Kinatibuk-ang, 1,203 ang mga barangay sa Sugbo diin matag barangay adunay usa ka chairman ug pito ka mga konsehal.
Sumala ni Alexander Delantar, dean sa College of Management, Business & Accountancy sa CIT-U ug project manager sa SK mandatory training, gitudloan nila ang mga SK officials sa saktong paagi sa pagpahigayon og mga council meetings ug sa paghimo og resolutions.