Walay reblocking, setback ipatuman sa Ermita: Alcoseba

Giklaro ni Executive Assistant sa Division for the Welfare of Urban Poor (DWUP) Genevieve Alcoseba nga dili sila mag-reblocking sa Barangay Ermita apan setback lang ipatuman.

Nahinabi sa Superbatia Cebu si Alcoseba kabahin sa ilang pamaagi sa pagpakatap sa ilang gihimong street planning sa Barangay Ermita.

“Mo-conduct mi sa actual nga ocular nga inspection sa tanan nga mga buildings ug mga estraktura.. nga mga salin sa sunog sa atong ginatawag nga ground zero,” matod ni Alcseba.

Human niini, ipahibalo dayon kini ngadto sa mga lumolupyo sa Ermita.

Lakip sa ilang pahibalo mao ang pagkooperar sa ilang clearing operation aron mapalayo sa peligro ang mga lumulupyo labi na nga maggamit sila og mga heavy equipment.

Pagahimuon na dayon ang homelot survey ng pangulohan sa technical team sa DWUP.

Ang survey gibase sa titulo ug keknikal nga deskripsiyon ug homelot sa matag pamilya.

“Mabutangan nato diretso ug tagsa ka mohon. Actually duha ka klase sa mohon ang atong itaod ang katong permanent nila nga station katong mohon nila sa aktwal sa sukod sa ilang mga yuta ug ang ikaduha mao ang mohon sa setback,” pulong niini.

Giklaro ni Alcoseba nga walay mahigayong reblocking.

“I would like to make it clear nga dili ta mag-reblock but we are going to impose the setback so meaning kung naa kay original nga dos nga pathway plus setback sa isig ka habig it will become a three meters,” dason niya.