Tomboy na-in love

Dear Papa Joe,

Maayong adlaw nimo. Nagpadala ko sa akong tampo kanimo kay namasin ko nga matambagan ko nimo kabahin sa akong problema sa lovelife.

Ako diay si Ton,i usa ka lesbian. Hingkod na ang akong pangedaron ug usa na sab ko ka professional. Sa among opisina, duna koy naibgan nga babaye, gwapa kaayo siya, puti ug sexy kaayo. Nangita kog paagi nga magkasuod ming duha ug tuod man close na kaayo mi. Permi ming magkuyog-kuyog bisag asa. Magdungan og kaon, magdungan ug break, magdungan sab og out.

Kining maong babaye, pag umangkon sa asawa sa among boss. Wala madugay, nagduda na sila nga duna mi relasyon. Nasuko kaayo ang iyang Tita kay di siya makadawat nga makauyab og tomboy ang iyang pag-umangkon. Nagubot na kaayo mi sa opisina. Pero ang dako nakong nakapa windang, Papa Joe, kay nahibaw-an nako nga nanguyab pod diay niya ang among boss nga bana sa iyang Tita. Naglibog gyud ko, unsa akong buhaton kon mopadayon ba ko sa akong pagpanguyab sa babaye or mohawa nalang ba kaha ko diri kay gubot na kaayo sila. Chicksboy kaayo among boss ug basin madani pa ni siyag kwarta. Or, isumbong ba kaha nako ni sa iyang Tita? Naglibog kaayo ko. Please tambagi ko.

TONI

Toni,

Simple ra kaayo ning imong problema. Prangkahi ang babaye nga imong naibgan ug pahunata kon duna ba sad gyud siyay gusto nimo, kay basin friends ra diay ang iyang treatment nimo. Pwede nimo siyang tambagan nga dili maayo nga mopatol sa inyong bss kay bana ra man diay sa iyang iyaan.

Sa imong pangutana kon maayo bang isumbong ang imong boss sa iyang asawa, ang akong tubag nga ayaw na lang pag apil-apil. Paabota nga ang iyang Tita maoy maka discover. Daghang Salamat.

PAPA JOE