LAST CHANCE

Mga duwa karon: (Araneta Coliseum) 4:30 pm. - Blackwater

vs. TNT 7:00 pm. - Magnolia

vs. Meralco

Last chance.

Kini maoy kondisyon karon sa TNT KaTropa ngadto sa import nga si Jeremy Tyler sa dihang ilang ikasangka karong hapon ang way daog nga Blackwater sa PBA Commissioner’s Cup sa Araneta Coliseum.

Bisan pa man og usa sila sa nag-una karon sa standing, apan ang KaTropa daw sa dili pa kontento sa gipakita ni Tyler.

Ang tinubdan nga nakuha sa PBA.ph nagkanayon, nga gikonsiderar karon sa management nga ilisan si Tyler gumikan sa kapakyas niini sa pagdeliber sa gituohan sa management nga iya untang mahimo.

Kon di gihapon siya makapakita og impresibong performance karong gabii, dili gyud magpanuko ang team sa pagpauli niya og balik didto sa Amerika.

Human sa Blackwater, ang sunod ikasangka sa KaTropa mao ang laing naghingutas usab nga Columbian Dyip sa Agusto 1 nga sakto ra usab kaayo alang sa TNT nga makakita og puli nga mohaom sa sistem ni coach Olsen Racela.

Sa tanang import, si Tyler mao karon ang adunay pinakaubos sa statistics diin nag-average lang kini og 12.25 points ug 13.25 nga rebounds.

Sa ilang kapildihan sa Alaska, siya mitali og 16 puntos ug 11 ka rebounds.

Unsay iyang ikasakbang ni Jarrid Famous karong gabii, kini maoy mahiomg basihan kon magdugay ba siya sa TNT.

Si Famous nag-average og 29.4 puntos, ug nag-una kini sa rebounding department nga may 19.6 points matag duwa.

Hinuon, sulod sa lima ka duwa wala pa gyud makadaog ang Blackwater nga ubos na karon sa pagdumala sa bagong coach nga si Bong Ramos.

Sa main game, way kalahian ang mahitabo usab sa Magnolia Hotshots kinsa ning higayona aduna nay listahan sa tulo ka mga imports nga mopuli sa ilang reinforcement nga si Vernon Macklin.

Nanghinaot si coach Chito Victolero nga ma-finalize na ang negosasyon sa import nga mopuli ni Macklin.

Tulo ang anaa karon sa ilang listahan ug kini mao si8la si Yancy Gates, Samuel Samardo ug laing usa nga iya lang gihinganlan og Muldrow.

Matod ni Victorlero nga dili pa gyud hinuon available kining tulo.

Karong gabii ikasangka sa Magnolia ang Meralco Bolts sa main game.

Ang Meralco ug KaTropa pulos adunay 3-1 nga baraha samtang ang Hotshots, 2-1.