Marathon, Regata sa Hinunangan Bay
Dul-an sa P600,000 nga ganting salapi ang nakahan-ay alang sa 1st Hinunangan Bay marathon ug 1st Hinunangan Bay Balik Baroto Regata nga ipahigayon karong Hunyo 24 didto sa lungsod sa Hinunangan, Southern Leyte.
Ang maong kompetisyon maoy isip kalihukan sa ika-165 mga Founding Anniversary sa maong lungsod nga selebrahon sa Hunyo 27.
Sa press conference kagahapon sa Laguna Cafe Gardens sa Ayala Center Cebu, si Mayor Reynaldo Fernandez mibutyag nga usa sa katuyoan sa maong kalihukan mao ang pag-promote sa ilang lungsod nga mamahimong tourist atraksiyon sa nasod.
“Duna tay pito ka kilometro nga beach resorts. We want to promote this sa mga tourist - local or international -specially nga nasira na karon ang Boracay,” matod Fernandez.
Mitambong usab si presscon si Cong. Roger Oging Gaviola Mercado, Representate sa bugtong distrito sa Southern, Maasin mayor Joy Robles, Philippine Sports Commission (PSC) commissioner Ramon Fernandez ug kanhi Customs Collector David Odilao Jr. kinsa maoy nagsilbing director sa duha ka events.
Ang marathon lankuban sa tulo ka kategoriya nga mao ang 42-k full marathon, 21k ug 9k run sa gibahin ngadto sa men’s ug women’s division.
Sa 42.195 kilometer run, ang kampiyon makadawat og P30,000 samtang pasunod nga makadawat og P25,000, P20,000, P15,000 ug P10,000 ang 1st, 2nd, 3rd ug 4th runners up ug trophy matag usa.
Ang 6th ngadto sa 10 placers adunay P2,000 matag usa og ingon man medals.
Sa women’s, ang champion adunay P20,000, samtang ang runners up makabulsa usab og P15,000, 10,000, P7,000, ug P5,000
Sa 21k men’s, P10,000 champion, P8,000, P6,000, P4,000, P2,000. mao usab kin ang sa women’s nga mga premyo.
Sa 9k, ang mga modaog sa matag division, aduany ganti nga P8,000, P5,000, P4,000, P3,000, P2,000.