PROGRAMA NI CESAR ISUSPENSO
Nimando si Tourism Secretary Bernadette Romulo-Puyat sa pagsuspenso una ang proyekto sa Tourism Promotions Board nga gipangulohan ni Cesar Montano nga mao ang “Buhay Carinderia.”
Nasuta nga wa gipaubos sa bidding ang proyekto.
Matod ni Puyat sa interview sa dzBB nga iyang nang gihangyo ang Commission on Audit (COA) sa pagsusi sa proyekto ilabi na sa mga transaction nga gikalambigitan niini.
Samtang wa pay resulta sa imbestigasyon kasamtangan nga ipaundang una ang “Buhay Carinderia” nga gilusad niadto lang miaging buwan. “I cannot continue with the program kung may anomaly,”
nagkanayon ang kalihim.
Sa inisyal nga pakighinabi ni Puyat ngadto sa actor kini miankon nga way subasta o bidding nga nahitabo gawas lang sa sponsorship. “Kahit na one million [pesos] lang yan, dapat bini-bidding.
“Naniniwala naman ako sa kanila na yun ang ginagawa ng TPB and Cesar acted in good faith,
kasi yun ang practice. “Pero ako kasi, I have said it over and over again, lahat may bidding kasi public money yan,” pasabot sa opisyal.
Moabot sa P320 milyones ang maong proyekto ug ang bana ni Ann Curtis nga si Erwan Heusaff nagsilbing content creator niini.
Samtang gipanghimakak ni Montano ang giingong kadiyot ra ang iyang pagtambong sa usa ka international event sa New York City, ug milanat lang og dos minutos ang iyang speech diin siya maoy keynote speaker niadtong higayona sa pasangil nga nagdali kay motan-aw pa og
Broadway show.
“Parang ang sabi niya naman sa akin, nandun naman siya nang matagal.’Tapos nung nagsalita siya, feeling niya medyo bored na raw yung audience,” saysay ni Puyat base sa pasabot sa actor ngadto niya. /