Hagit sa bag-ong direktor sa CCPO

Bag-ong milingkod nga Director sa Cebu Provincial Police Office (CPPO) nihagit karon sa tanan niyang hepe sa kapulisan nga mopakitag labok batok sa ilegal nga drugas sud sa duha ka buwan kung angayan pa sila nga magpabilin sa ilang pwesto.

Niadto pang miaging semana hingpit nga milingkod isip hepe sa CPPO si Sr. Supt. Manuel Abrugena human hulipi sa katungdanan si Sr. Supt. Edgar Alan Okubo sa dihang mipagawas ug order ang kampo Crame pagparelibo kaniya sa katungdanan.

Matod ni Sr. Supt. Abrugena nga ang mando ni PNP Chief Director General Oscar Albayalde mao ang pagpuhag sa tinubdan sa ilegal nga drugas dinhi sa Sugbo nga usa sa ginganlan ni President Rodrigo Duterte nga taas ang problema sa ilegal nga drugas.

Tungod niini, nihatag siyag tagal sa 40 ka mga hepe sa kapulisan sa kalungsoran ug component cities nga mopakitag maayong labok pagpakigbatok sa illegal nga drugas sud sa duha ka bulan una siya mo hukom kung aduna siya parelibohan sa katungdanan.

“I am giving our chief of police at least two months para ipakita nila sa akin kung ano ang kanilang capacity to follow my orders, and after that ang kanilang performance ang kanilang barometer whether they will remain in their positions of they will relieved from their current designation,” matod ni Abrugena.

Apan ang paghimo sa operasyon nga dayag ug gipssubay sa balaud. Lakip sa iyang tahas mao ang paglimpyo sa hanay sa kapulisan.