Planong scholarship sa mayor alang sa mga SK suportado sa Team Rama

Paluyohan sa mga konsehal sa Team Rama ang tinguha ni Mayor Tomas Osmeña paghatag og sholarship ug honorarium ngadto sa 640 ka mga opisyal sa Sangguniang Kabataan sa 80 ka barangay sa dakbayan sa Sugbo.

“That’s a very good program of the mayor and also the cholarship, we will support him 100 percent,” padayag ni Konsehal Raymond Garcia.

Apan ang anak ni kanhi Mayor Alvin Garcia nipika ngadto ni Osmeña kon nganong kaniadto dihang nilingkod kini isip mayor niadtong 2016 dihang iyang gipukan si kanhi Mayor Michael Rama, iyang gitangtangan og honorarium ang mga barangay tanod nga alyado sa opposition.

Matod ni Garcia nga double standard ang baruganan sa mayor sanglit naghinamhinam nga makuha ang boto sa mayoriya sa mga SK chairman aron ilang makuha ang usa ka pwesto sa city cuncil.

“Ano ba talaga mayor, tangtangaon o ihatag?, dugang ni Garcia.

Si Konsehal Joel Garganera nisaway ang presensiya sa mayor sa kalihukan nga gidumala sa Department of Interior and Local Government sa CIT-University.

Gihulagway ni Garganera nga dili angay iimpluwensya ang desisyon sa mga batan-on inig abot sa eleksyon sa pagpapili kon si kinsa ang mamahimong SK Federation President sa dakbayan sa Sugbo.

Ang SK giilang non-partisan nga piniliay.

Si Bise Mayor Edgardo Labella niingon nga walay supak apan iyang giklaro nga angay unang susihon kon ang paghatag og honorarium.

Ang mayor niingon nga wala pay kantidad ang honorarium lakip na ang scholarship sanglit anaa pa kini sa first stage ug iduso pa kini ngadto sa City Council para sa pag-aproba nga posibleng iapil sa Annual Budget sunod tuig.

Si Joy Calvo, pangulo sa DILG-Cebu City nagkanayon nga nalatid sa RA 10742 ang gipahigayon nga mass oath taking ug iyang gipahibawo ipahigayon nag eleksyon sa SK sa mosunod nga duha ka semana.