Miss U gown ni Pia gikopya ni Patricia
Manila–Tulo na ka tuig ang milabay human nakoronahan si Pia Wurtzbach isip ika-tulong Miss Universe winner nga naggikan sa Pilipinas apan hangtod karon, wa pa gihapon maka-move on ang mga fan sa beauty queen iyang blue gown nga iyang gisul-ob during the final competition sa Miss Universe 2015.
Adunay mga mahuyang nga misalmot sa Miss Gay competition feeling nila, sila si Pia samtang gapaso sila sa stage sul-ob ang iconic blue mermaid gown.
Apan dili lang diay mga ordinaryong tawo ang giganahn sa gown ni Pia, bisan ang mga celebrity mikopya sab niini.
Particular na ang former That’s Entertainment turned sexy star nga si Patricia Javier nga usa na ka happily married sa iyang banang doktor nga ania sa Pilipinas nag-practice.
Sa mga niaging adlaw nakurat ang tanan sa dihang misulod si Patricia Javier sa ganghaan sa Teatrino sa Greenhills atol sa Outstanding Men and Women of the Philippines Awards diin usa si Patricia sa awardee.
Kopya kaayo ni Patricia ang gown ni Pia ilabi nga sa ubang detalye niini.
In fairness kang Patricia, bisan og minyo na siya ug may mga anak na slim pa gihapon ang iyang lawas.
Kauban ni Patricia nga misulod sa Teatrino ang iyang best friend nga si Charo Laude nga former That’s Entertainment member sad ug nagkasabay pa sila sa pagsalmot kanhi sa Binibining Pilipinas many years ago.
Proud na proud si Patricia sa iyang gown nga girampa niya sa red carpet, talagang pinagkaguluhan siya sa mga reporter ug photographer.
Bisan ako nakisali na rin sa pagkuha.
Hangtod sa pagsaka niya sa stage para dawaton ang iyang trophy gikagubtan gihapon si Patricia.
Medyo dugay-dugay sad ang photo op niya sa stage tungod lagi kay nahimuot ang mga photographer sa iyang gown .
Definitely, nimugna jud og kasikas og eksena si Patricia Javier sa event.
Sa laing bahin, kabi-birthday lang ni Patricia Javier ug usa ka dakong regalo ang mapili siya isip one of the Outstanding Women of the Philipppines today tungod kay dili tanan nga Pinay who are successful in life mahatagan og susamang accolade.
Suwerte sad si Patricia tungod kay masinabtanon ang iyang foreigner nga bana. Very supportive kini sa showbiz career ni Patricia ug kung may time kini, he makes sure nga makatambong sa mga shows sa iyang asawa./