Babaye o bayot

Dear Noy kulas,

Maayong adlaw kanimo diha. Ako diay si Dennis, 29 years old. Kining akoang problema kabahin ni sa akong duha ka mga uyab. Ang usa nila babaye while ang ikaduha bayot. Pero kining bayot di mailhan kay babaye siya tanawon, sexy ug gwapa. Ang tingog babaye pud.

Sa una pa lang kahibawo na ko nga bayot siya, pero akong gipatulan kay ganahan ko niya bisan sa tinuod puro mi mga lalaki kay nisulti na siya daan nako. Mas una nako nauyab ang babaye kay mag 4 years na mi. Kining bayot 2 years pa mi pero mas daghan mi og moments.

Noy, naglibog na ko kinsa ang akong i-serious nilang duha kay pulos sila bug-at para nako. Kon ako sang biyaan ang bayot, maluoy ko kay daku na kaayo na siyag nadatung nako. Buotan ug serious kaayo siya nako. Pero maluoy sab ko sa akong girlfriend kay nagdahom na siyang kami gyud ang magminyo. Unsa ko kaha ning akong sitwasyon?

BUBOY

Boy,

Kon ang relasyon nga duna kay matukod nga pamilya, I mean asawa ug anak, kanang pang forever, anha ka sa imong girlfriend. Di man ka maka-expect nga makaanak sa imong uyab nga bayot. Di ka pa usab maka-expect nga makasal mong legal kay wa pa may balaud nga nagtugot sa same sex marriage.

Akong pasabot nga mag-unsa man ang imong gugma kon ikaw dunay gusto ug tinguha nga makabaton og pamilya. Be pragmatic sa imong pagtan-aw sa imong sitwasyon sa imong paghuna-huna ug pagdesisyon kinsa ang imong pilion kanilang duha. Ang imong tan-awon mao ang imong future.

Ang datung sa usa kay given na tingali na alang kaniya. Ang iya nga nihatag siya in return nga malipay siya kanimo. Daghan sa mga bayot nga akong higala ug kaila. Practical sila. Kon masakitan siya, maka move on ra siya niana. Bitaw, masakitan man gyud ang usa kanila kon mohukom ka kinsa kanilang duha ang imong ipabilin kay di man mahimo nga mamasol ka sa duha ka mga suba. Apan kay you are not getting younger, mohukom ka alang sa imong future, di kay sa karon ang imong tan-awon.

NOY KULAS