BABOY MAY KAMOT SA TAWO
May makapakugang nga nakaplagang baboy diin ang kamot niini iyaha sa tawo nga nagluta sa lake.
Dihang una kining nakit-an ang naglutaw nga mananap sama kini sa namatay nga baboy apan dihang gisusi na kini nasuta nga sama sa tawo ang kamot niini ug tanos ang ikog.
Sa nakuha nga video sa mirror.co.uk nag-viral kini dihang gi-post sa YouTube
channel nga Disclose Screen ug na-share kini mosobra sa 2,000 ka higayon na.
Ang tawo nga mikuha og
video sa nakulbaan dihang iyang giduol ang mananap.
Nagkanayon siya nga angayan nga kuhaon gilayon ang mananap aron di mabaho kini.
Wa maklaro kon diin ug kanus-a ang mananap nakit-an apan gituohan nga didto kini
mahitabo sa Estados Unidos.
Ang video nga may titulo
nga “Can you identify this dead creature found in a lake with pig head and human hands?”
mikawhat og daghang mga komentaryo.
Samtang ang ubang mga tawo nagtuo nga ang mananap usa ka “hybrid beast” apan ang uban nitumbok niini nga nadugta na nga baboy.
Usa sa mga nakakita niini nagkanayon nga ang mga tiil ug paa daw sa iyaha sa ra iro diin iyang gituohan nga usa kini sa nadugta nga patayng iro.
Ang laing nakakita niini nitumbok nga ang ilong iyaha sa baboy, ang ikog ug ang kamot lakip ang mga tudlo iyaha sa iro.
Apan, ang laing nikomentary nihulagway nga baboy kini kay ang kuyamoy nga diha sa tubig sama ra sa patayng lawas sa mananap.
Iyang gipasabot nganong ang kuyamoy sa baboy sama sa kamot sa tawo kay ang tiil sa baboy ang duha ka mga tunga-tunga nga kuyamoy dagko kini ug mga dagko kini nga kuyamoy.
Midugang siya nga ang luyo nga kuyamoy naporma sa gawas nga mga tudlo nga pareha ra sa tawo. /