LAIN NGA KAPITAN MIBALHIN SA BOPK

Gipilian karon sa administrasyon ni Cebu City Mayor Tomas Osmeña ang tulo ka Sangguniang Kabataan (SK) chairman gikan sa tulo ka mga barangay para maoy mahimong SK Federation president sa 80 ka mga barangay.

Si Osmeña nihulagway nga nakabintaha sa tulo ang SK chairman gikan sa barangay San Nicolas Proper nga si Jessica Pontanar Resch itandi sa duha ka prospect kinsa ni-graduate sa kolehiyo nga cum laude.

“They are being interviewed by our staff. Two of them are cum laude graduates but the third one is gorgeous. So, gwapa gyud. This is reality you know. All the men will vote for you, maglisod ang duha. Very articulate also,” paglitaniya ni Osmeña uban sa katawa.

Ang mayor way daghang kwalipikasyon nga gipangita sa usa sa SK chairman nga maoy mangulo sa mga batan-on gikan sa 80 ka mga barangay sa dakbayan pagpaabot sa ilang tingog sa Konseho.

Gusto ra ni Osmeña nga madawat ug mosunod kaniya

ang mga opisyal sa SK para ilang mabuhat ang gusto nilang buhaton para sa mga batan-on. “We have a good selection. Ang akong tuyo is ang acceptability, not the most popular but who is the most acceptable because you have to make everybody go with you,” dugang ni Osmeña. Gitug-an niya nga kinsa kadtong mapili isip federation president sa SK kinsa molingkod isip ex-officio member sa Cebu City Council, iyang ipaubos og training diin si Osmeña ang modumala.

Wa na gibutyag sa mayor kon si kinsa ang duha ka SK chairman ug asa nga barangay, apan ang iyang nahinumduman babaye kini ug lalaki nga ni-graduate nga cum laude.

FRANKLIN ONG

Wa gipanigurado ni Osmeña nga makuha nila ang presidente sa Association of Barangay Council (ABC), apan iyang giawhag nga kon mobotar sila, adto ang ilang boto para sa kapitan sa barangay Kasambagan.

Bisan wala pa mahuman ang barangay election, nilutaw na ang ngalan ni Kasambagan Barangay Kapitan Franklin Ong,

kinsa usa ka magpapatigayon, kansang kompaniya ang Pasajero Motor Corporation maoy nakakuha sa kontrata sa paghakot sa basura balor og tunga sa tuig.

“There is no such thing as a luck in but if you want to place a bet, put your bet on Franklin. In this business, there is no such thing as sigurado there are all kinds of surprises,”paghulagway ni Osmeña. Posible nga ikaatbang ni Ong mao si incumbent ABC president ug barangay captain-elect Phillip Zafra sa barangay Tisa.

Ang BOPK adunay 50 ka barangay kapitan nga alyado samtang 30 ang Team Rama samtang 42 ka SK chairman pabor sa BOPK ug 38 sa Team Rama. /