Unsa ang saktong edad nga maminyo ang babaye ug ang lalake?

Maira Cañete Barbarona

Walay saktong edad para magminyo. Unsaon taman kung 25-30 naka pero wa gihapon kay bo-ut ug di ghapon ka responsable bisan nalang sa imong kaugalingon, edi, di ghapon ka angay magminyo. Para nako dili basehan ang edad kung minyo ang hisgutan, dapat tan-awn pud ninyo if kaya naba ninyo mutukod og pamilya nga di magsalig sa ginikanan. Dapat secured mo bisan gamay, dapat responsible mo, dapat sa saktong tawo mo makigminyo kay dili baya na duwa-duwa, dapat andam mo sa mga pagsuway. Huwata ang saktong tawo nga hinatag sa Ginoo dili ang saktong edad.

Sebastian Graves

Ang “ideal” nga edad sa kaminyoon mao ang 26, sa dihang taknaang edad naka “secure” na og hustong trabaho ug tigum gikan sa edad human eskwela (21). Gawas na sa “parents consent” ang giingong pangidaron kung punto legal ang hisgutan.

Wella Daño – Erojo

Nindot i-settle og nakalampos na ka og skuyla, nakapangita og nindot nga trabaho, nakatabang na kas imong mga ginikanan ug igsoon, unya og na- enjoy na jud nimo imong pagka-single. Kung nana kay karelasyon imo pa siya ila-ilahon ug maayo hangtod ready na jud mo mentally, emotionally, financially, physically especially spiritually musod sa kaminyoon.

Aisa Albino

Actually wa magbase sa edad hinunua nagbasi kini sa ka hamtung sa hunahuna sa babaye ug kalake diin kaya naba niya ipabarug ang iyang tukorung pamilya. Dunay mga sayo kaayo nangaminyo apan malampuson sa kinabuhi kay hamtong na ug panglantaw labina sa responsibilidad sa pamilya. Ug adunay say mga uwahi nang nagminyo apan nagkalisod ug nagkaingon ingon ang pamilya kay tungod sa wa pay bu-ot ug wa pa ka moveon sa pagkadalaga o ulitawo.

Krishia Delector Flores

Ang saktong edad para magminyo kay 23-26 years old. Why? At least anang mga edara, dli pa kaayo bun-og ang lawas sa babaye in which safe pa para magdeliver og baby while kung maabot nag 30+ ang babaye, medyo risky na baya manganak. Also, medyo bata pa nang edara meaning daghan pag panahon para magkaanak kay wa ta kabaw 30+ mag minyo unya mamabdos 40+ na. Samot kaluoy ang babaye kay mas risky na hinuon.

Ivy Macas

Para nako dili basehan ang edad sa kaminyoon as long as makabuhi naka sa imong pamilya. Di naka magpabuhi sa imong ginikanan. Di naka mangipon og ugangan. Kanang mapakita jud nimo nila nga kaya na nimo mubarog sa imong kaugalingong pagpaningkamot. Usa kos nangarap nga makasal puhon pero wala pay budget. Pero para nako lang ha mas nindot nga makasal ka 28 ang babaye ug sa laki pad naa nas 30’s pareha sa akong ka live-in.

Lovely Vanessa Torres

It’s not about the age, it is about survival. Ako,13 pako nanganak. Pag edad nako running 20, 6 na akong anak. Karon, 29 pako og mura nalang mi managsuon.Nice ang sayo para kitag agi dayon. Naa rana sa pag paningkamot para mabuhi ang mga anak.

Jun Rivera

It’s not about the age man, it is about survival. Kung both of you can sustain and give what’s best for your upcoming family then why not di ba? There are many characteristics/rules in getting married and if you think capable na ka to be called as a husband/wife kay anha naman jud na padong then go for it.

Mary Joy Perino

25 ang babae aron sakto na sa experience kay 24 paubos lingaw pa sa suroy uban sa mga friend. Sa lake, 28 sakto na na sa panghunahuna kay 26 pa-ubos kung laki pulos pa barkada or duwa sa net ang naas hunahuna. Ako ra nang experience sa lovelife.