Depende sa makahunghong
Para nako di sab maayo kon tinuod man ang pasangil ni Cebu City Mayor Tomas Osmeña, nga si Michael Dino ang pangulo sa opisina sa presidente dinhi sa Visayas ang responsable kon nganong wa maimbitar sa panihapon kauban ang presidente.
Maayo man gyud giimbitar ug anaa si Tomas sa kalihukan kay mao man ang mayor ug ang siyudad maoy host sa Philippine National Games ( ( PNG ) ug ang presidente maoy pinasidunggan dinapit .
Kon ang tuyo ni Dino maoy pagpakauwaw kang Tomas, itang tanan ang nadamay Tungod lang sa ilang pamulitika.
Hinuon, bawos bawos raman sab gud ning mga pulitiko tungod sa pulitika. Apan ang katawhan ang masakripisyu ilabi kon iapil ang pagpugong sa mga proyekto.
Waman hinoon mag-inusara si Osmeña kay daghan sila ang wa maimbitar.
Pastilan niining pulitika!
AYAWG KOMPYANSA
Di angayang mokompyansa si kanhi Cebu City Mayor Mike Rama sa hulga sa iyang kinabuhi samtang wa pa bawi-a ang pasangil kaniya ni Presidente Rodrigo Duterte nga protekctor sa ilegal nga drugas.
Tinuod nakadayig ta sa kaisog ni Rama, sa pagpakita sa ka-inosente sa mga pasangil nga wa gyud motago ug magtiner ug mga body guard.
Taliwala sa kaso sa pagpamatay sa mga inosente
apan gipasanginlan nga durugista ug protector nakutlo gyud ang ilang kinabuhi kay giambusan sa motorcycle riding in tandem.
Usa sa di maayong ehemplo ang kamatayon ni Atty Jon Ungab ang bise mayor sa lungsod sa Ronda, giambusahan samtang nagsakay sa iyang sakyanan human sa hearing sa kaso Quimonda Building siyudad sa Sugbo.
Di lang si Ungab, naa pay daghang nanganatay nga mosobra naman gani sa 20 mil ang gidaghanon sa mga nabiktima
Sa paglingkod gyud sa presidente sa katungdanan mibahad sa pagpamatay sa mga tawong nalambigit sa drugas.
Mao nga atong ingnon ayawg kompyansa Mike kay delikado
ang utok anang tawhana! PAG-ANDAM SA PILDERO
Di palang dugay nahuman ang Sangguniang Kabataan ug Barangay election nanimaho na sab ang pulitika alang sa 2019 mid-term elections.
Akong pangutana kon unsaon paglikay sa mga bitin sa pulitika ang batan-on nga napili?
Kon ipatuman ang lagda tanang mga napili nga SK chairman ug mga sakop niini madiskuwalipikado kay giapil apilan sa mga buoyang pulitiko.
Akong kabalak-an ang pagkat-on unya ug mga Binoang Di lang sa pagpamakak apil na sa pangawat?
Email: efrenlonzon77@ gmail.com Text: 09235562777