CAVS MITABLA
Mibuak og rekord si LeBron James sa iyang pag-agak sa hosts Cleveland Cavaliers sa laing kadaugan batok sa Boston Celtics, 111-102, sa Game 4 nga maoy nakatabla sa Eastern Conference finals series, 2-2, kagahapon sa National Basketball Association (NBA).
Ang jumpshot ni James sa nahabiling 3:11 minutos sa 2nd quarter pa lang nakarehistro sa iyang ika-2357 fieldgoal sa kasaysayan sa
playoffs nga maoy nakalabaw sa namugna ni Abdul Jabbar niadtong 1989.
Si basketball legend Michael Jordan sa Chicago Bulls maoy ikatulo ning maong listahan diin aduna siya’y kinatibuk-ang 2,188 field goals sa playoffs.
“Anytime I’m in the same breath with the greats ... it’s just humbling,” matod ni James. Gihuman ni James ang duwa dala ang 44 puntos aron pangulohan ang Cavaliers, nga nagtinguha nga mahimong ika-20 sa 300 ka teams nga hingpit nga makabangon gikan sa 0-2 nga alkanse sa best-of-seven series.
Kon buot hunahunaon, dili na kini bag-o alang kang James ug sa Cavaliers. Nakabangon na sila ning maong biya sa series niadtong 2007 ug 2016.
Ang series mobalik sa balwarte sa Celtics ugma alang sa Game 5 nga gilaumang usa ka malisod nga tahas sa Cavaliers. Ning maong playoffs, ang Celtics wala pa nakatilaw og pilde sulod sa siyam ka mga duwa. “We know it’s going to be a hostile environment,” asoy ni
James. “We know their fans are going to be very energetic. But we have to just have our same mindset we had when we came home for these two games. If our minds are there, we put ourselves in a position to be victorious.” Napapha man tuod ang ilang bintaha sa series unya nahagbong sila sa 1-6 nga rekord sa road games ning maong playoffs apan nagbiling positibo si Celtics coach Brad Stevens kabahin sa ilang poruhan.
“It’s the best two out of three to go to the NBA Finals. Doesn’t get better than that,” matod ni Stevens.
“Ultimately, anybody that didn’t think this was going to be tough, I mean, everything is tough. In this deal, it’s a blast to have to grit your teeth, get up off the mat and go after it again.”
Si Kyle Korver nidugang og 14 puntos alang sa Cavaliers apan ang iyang depensa maoy usa sa dakong nakatabang sa ilang kadaugan. Wala siya maila nga shot blocker apan ning duwaa, nakamugna siya og tulo ka shot blocks.
“I’ve loved Kyle ever since we made the trade to get him here” paghulagway ni James sa iyang 37 anyos nga kauban.
“I don’t remember Kyle falling too much like that. I’ve got to keep his body as fresh as possible. But listen, he’s doing whatever it takes to try to help us win, with the blocks, with the strips. Obviously his shot making is very key for our team as well, but it’s just the intangibles he’s doing for us defensively.”
Si Tristan Thompson nitampo og 13 puntos ug 12 rebounds alang sa Cavaliers samtang nitunol sab og 13 puntos si George Hill.
Ang tanang starters sa Celtics pulos ningmugna og double-digit nga puntos pinangulohan sa 25 puntos ni Jaylen Brown apan wala gihapon kini magsilbe sa determinadong Cavaliers.