15-ANYOS GI-GANG RAPE, 7 KA SUSPEK IKIHA KARON

Pasakaan og kason ang pito ka mga suspek nga ni-gang rape sa 15-anyos nga babaye niadtong Miyerkules sa alas 12:10 sa kaadlawon sa baybayon sa Sitio Bonbon, Barangay Catarman, lungsud sa Liloan.

Ang 15 anyos tinun-an sa grade 7 sa Consolacion gi-ubanan sa iyang apuhan og kabanay nga nisumbong sa kapulisan niadtong Miyerkulis sa udto.

Matod pa, ang biktima gipainom og bino nga gibutangan og 'vitsin' hinungdan nga daling nawad-an sa panimuot.

Nasikop ang pito ka suspek lakip ang kanhi uyab sa biktima nga si Chris Niño Ballerde, 20, walay trabaho uban nila ni Jay Mel Allanic, 19, construction worker; Mark Ian Ano-os, 21, production worker; Junryl C. Valenzuela, 21, laborer; Joselito Marabe, 20, production worker; usa ka 16 nga tinun-an sa grade 11; Shanly Ano-os, 20, ug production, pulos mga residente sa nahisgutang lugar.

Si Supt. Randi Korret, hepe sa Lliloan Police Station nga nahinabi sa Superbalita Cebu, nga ang biktima mibutyag nga giimbetar siyag inom sa iyang kanhi uyab nga si Ballerde, miuban siya didto sa hilit nga dapit daplin sa baybayon.

Matud ni Korret, nga upat ka botilya sa Tanduay ang ilang giinom.

Gibutyag niini nga ang ilimnom gisagulam og “vitsin”.

Una nahinumduman niya nga gihikaphikap ang iyang dughan ug pribadong parte sa kalawasan hangtud nga nakatulog siya sa sa kahubog.

Nakamata siya alas 9:00 sa buntag sa samang adlaw nabantayan niini samtang naghigda siya sa cottage nga basa ang iyang sapot og sakit kaayo iyang kinatawo.

Ang biktima mipahibalo sa iyang apuhan og mga kabanay giubanan sa buhatan sa kapulisan nadakpan ang pito ka suspetsado sa gipahigayong hot pursuit operation diin positibong giila sa biktima.

Si Supt. Korret nipadayag nga upat sa mga suspek niangkon sa krimen ug gitripingan sa mga suspek ang biktima dihang nanghubog ilang gitabangag lugos.

Sumala ni Korret, posibli nakadrugas ang mga suspek dihang nihimo sa krimem.

Ang biktima gipahiling na sa Pink Room sa Vicente Sotto Memorial Medical Center (VSMMC).