TALK TO PAPA JOE

Suyaon nga ig-agaw

Dear Papa Joe,

Tawaga lang ko sa ngalan nga Lorie, 19 years old, taga Talisay City. Ang akong suliran kabahin ni sa akong igagaw nga babaye nga wa gyud ko kasabot sa iyang batasan.

Maguwang nako ni siya og upat ka tuig pero sukad wa gyud ni siya motagad nako og dugay, naa lay mga panahon. Mura siya og may kalagot namong mga ig-agaw kay grabe ka patahud. Honor student ni siya ug nindot na ta ni iyang trabaho pero nataktak ni siya kay nakadispalko.

Feeling niya, sakto siya permi ug kusog kaayo magpadungogdungog nga wa kuno koy angay, labi na nahibaw-an niya nga nidagan ko pagka SK unya kay pilde man, pwerte niyang katawa nga ambisyusa daw ko.

Daghan nang mga higayon nga gusto ko mutagad niya pero mang snub lang gyud siya. Unsa may buhaton nako ani niya kay lami na kaayo nawngon nga unsay problema nimo nako?Palihug tambagi ko.

LORIE Lorie,

Para nako one tayman nimo kon makadungog ka sa iyang mga istorya. Pangutan on nimo ngano ug unsay problema niya para masayran nimo ang tanan ug makapagawas ka sa imong gibati. Basin naa na siyay kayugot sa inyong pamilya ug napagan ka. Rivalry sa inyong family ba ug siya lang ang vocal kaayo.

Pero kon samokan ka, pasagdahi na siya kay di man ka mamatay kon di ka tagdon niya. Di man kaha tanang ig agaw nimo di motagad nimo? Problema nana niya kay naa gyuy mga tawo nga hawod kasuyaon kay di sila kadawat nga mas ni excel ka kay kaniya.

Ayaw nalang patuli sad og di na ka gusto og samok ug nakabalo ka unsa gyud ka nga pagkatawo. Again problema nana niya. Don’t prove to her your worth.Prove it to yourself.

PAPA JOE