NIÑOS PABILIN NGA NAG-UNA

Padayun gihapong nahuptan sa Cebu City Niños ang temporaryong liderato sa naghinapos nga Philippine National Games (PNG) nga gipahigayon diha sa Cebu City Sports Center.

Apan ning higayona, nag-atubang og dakong hudlat ang Ninos sanglit duha na lang ka gold medal ang labaw niini sa sikit nga nagsunod nga Baguio City.

Base sa official medal tally nga gipagawas sa alas 4:00 sa hapon, nag-una gihapon ang Cebu City Niños sa ranking nga may 33 ka gold medal, 48 ka silver ug 50 ka bronze medal.

Dili halayo nga nagsunod niini ang Baguio City nga may 31 ka gold, 29 ka silver ug 37 ka bronze medal. Natagak sab sa ikatulong puwesto ang Mandaluyong City nga may 22 ka gold, 12 ka silver ug 13 ka bronze medal.

Ang General Santos City maoy nakalingkod sa ikaupat nga puwesto nga may 16 ka gold, 22 ka silver ug 25 ka bronze medal diin nagsunod niini ang Zamboanga City nga may 13 ka gold, 6 ka silver ug 13 ka bronze.

Karong adlawa, lakip sa motapos sa kompetisyon mao ang panagtigi sa dancesports, chess, indoor ug outdoor volleyball.

Ang Cebu City milabni og dugang ka gold medal sataekwondo poomsae event.

Sa karatedo, si James Delos Santos (kata senior men) ug Earl Justine Perez ( junior men’s 62 kgs. divison) nakadunol usab og tagsatagsa ka gold alang sa Niños. Mao usab kini ang natampo nila ni Zeth Mae Aferez ug Normal Joseph Enriquez human sila mopatigbabaw sa tennis mixed double event samtang naka gold usab si Dexter Bolambao bantamweight live stick sparring.

Sa laing bahin, ang Cebu Province nga ika-15 kagahapon, kalit lang misulbong ug miabante ngadto sa ikapito nga puwesto nga may 11 ka gold, 14 ka silver ug 20 ka bronze medal.

Kini human nakahagpat og tulo ka gold medals sa taekwondo poomsae event pinaagi nila ni Shane Nasayao (individual junior men), Mcavynger Alob (Individual senior men), Althena Nasayo ug Shane Nasayo sa mixed pair junior.

Tulo sab ka gold ang ilang nakuha sa karatedo pinaagi nila ni Nopre, Calipusan, Baclaan (team kata), Kyle Quiroga Allison (59kg junior women) ug ni Tracy Lynne Basalo (68kg senior women).

/ ALEX BADAYOS GOLDEN PUNCH: Si Sidney Erl Metante (wala) sa Cebu City Karatedo team nga maayong pagka-igo sa kumo ni Afif Sharief sa Zamboanga City atol sa championship game senior division sa Philippine National Games (PNG) sa SM Seaside City. Ang Zamboanga maoy...