Wa mauyoni

Dear Noy Kulas,

Tagoa lang ko sa ngan nga Mitos, single mother at 17, pero 22 na ko karon. Ang amahan sa akong anak wa moangkon nga siya ang father so, wa na lang ko mamugos. Maayo gani kay supportive nako ang akong parents ug naka-finish ko sa college human ko nanganak.

Naay nanguyab nako or I can uyab na mi. Iya na kong gidala sa ilang balay ug gipaila-ila sa iyang parents nga I thought naka like sa akoa. Well, naka-like gyud sila sa wa pa sila mahibawo sa akong pagka single mother.

Sukad sila nakahibawo, wan a ko nila paanha sa ilaha kay di kuno sila gusto nga ang ilang anak magsunod ra sa laing lalaki. Buot nilang ipasabot nga mahimong father ang ilang anak sa di niya dugo.

Ang akong boyfriend wa maminaw nila kay bisan ako na siyang giingnan nga magbuwag mi, ni-insist siyang di mi maminaw sa iyang parents or sa iyang family. Naglibog na ko kay maora man og akoy nakaingon sa gubot sa ilang family kay nasuko na ang akong boyfriend nila. Wan a niya tagda ang iyang family kay nganong magbuot sila niya.

Noy, sakto kaha ning amo or akong gibuhat? Buwagan ko na lang ba ning akong boyfriend bisan di siya mosugot? I need your advice.

MITOS

Mits,

Kon ang imong boyfriend naa na sa hustong edad, di ka usab makabasol kaniya kay iya bayang gihuna-huna ang unsay makapalipay kaniya bisan supak ang iyang pamilya. Daghan baya ang sama ninyo, nga dunay mga pamilyang babag sa relasyon, apan eventually way nahimo tungod kay ang duh aka parties nipadayon.

If it is his decision, respect it. Like sa iyaha, ayaw na lang paminawa ang negative nga mg estorya sa iyang pamilya. Rather, prove to them that you deserve their respect. Ipakita nila nga mabuhi ka bisan wa ang ilang anak. I prioritize ang imong career advancement ning panahona samtang second lang ang imong relationship. Kana aron usab makita sa iyang pamilya nga wa ka magpahimus sa sitwasyon sa ilang anak bisan ikaw single mother.

Ayaw lang sab pagdali kay bata ka pa nga maghuna-huna sa mas seryusong butang nga mao ang kaminyuon.