Romeo mikulit og record sa PBA All-Star game
Mikulit og record si Terrence Romeo sa iyang pag-agak sa Gilas Pilipinas sa 152-149 nga kadaugan batok sa Luzon All-Stars sa miaging gabii sa pagpadayon sa Philippine Basketball Association (PBA) All-Star Week sa Batangas City Sports Center.
Ang bag-ong pambatong pointguard sa Talk N’ Text KaTropa nimugna og 48 puntos nga maoy labing dako nga nahimo sa usa ka magduduwa sa usa ka All-Star game.
Si Romeo maoy napiling MVP sa duwa.
Gamit ang iyang crossover nga mga lihok, gilingaw ni Romeo ang mga tumatan-aw apan ang labing importante, mao kini ang nakahatag kaniya og agianan aron makaha- kot og mga puntos gikan pa sa sinugdanan.
Ang Gilas, nga napilde sa Mindanao All-Stars niadtong Miyerkules, mao ang kanunay nga nagkontrolar sa duwa.
Apan sa dihang miaksyon na’g gukod ang Luzon AllStars, si Romeo nimugna og duha ka sunodsunod nga three-point shots aron hatagan ang Gilas og 140-125 nga labaw sa nahabiling 5:55 minutos.
Sa side events, si Beau Belga maoy midaog sa skills challenge, si Rey Guevarra naghari sa slamdunk contest samtang si James Yap ang mipatigbabaw sa three-point shooting.
Sa laing bahin, motapon sa University of san Agustin gym sa Iloilo City ang kombati sugod karong alas 7:00 sa gabii diin ikaharong sa Gilas ang Visayas All-Stars.
Puntos matag usa:
Gilas Pilipinas (152) — Romeo 48, Fajardo 30, Rosario 20, Pogoy 17, Norwood 13, Jalalon 12, Belo 10, Maliksi 2
Luzon All-Stars (149) — Aguilar 43, Abueva 23, Santos 23, Cabagnot 13, Tenorio 12, Castro 7, Lassiter 5, Wright 3, Almazan 2.