Del Mar nanghinaut isunod ang domestic terminal sa MCIA
Nanghinaot si Kongresista Raul del Mar nga ang domestic terminal na usab sa Mactan Cebu International Airport ang sunod paninduton ug bag-uhon sa GMR-Megawide Cebu Airport Corp. human unya makasugod na og operate ang bag-ong international terminal karong Hunyo 22 ning tuiga.
Ang kongresista sa amihanang distrito sa siyudad sa Sugbo nihulagway sa Terminal 2 sa MCIA nga ikatandi sa labing maayo nga mga terminal sa Asya ug sa tibuok kalibotan.
Gusto niini nga susama usab unya kanindot sa bag-ong terminal ang domestic terminal sa MCIA.
“It will be a delight to our domestic travelers to be able to also experience the same standards as those of Terminal 2. Cebuanos and all Filipinos will undoubtedly be filled with pride for this is an outstanding accomplishment,” pahayag ni Cong. Del Mar.
Matod niya, ang ikaduhang terminal sa MCIA maghatag og maayo ug malungtaron nga impression sa mga bisita sa Sugbo dili lang alang sa tibuok
lalawigan sa Sugbo kon dili sa tibuok Pilipinas.
Iyang nakita ang bag-ong pacilidad nga “very functional and classy and easily comparable to the best terminals in Asia, I might even add, around the world.”
Ang Terminal 2 sa MCIA nga buksan karong Hunyo 7, mopasaka sa kapasidad sa mga pasahero sa tugpahanan ngadto sa 12.5 milyones.
Si Cong. del Mar uban sa iyang anak nga babaye nga si kanhi kongresista Rachel “Cutie” del Mar giubanan nila ni MCIA Authority General Manager Steve Dicdican ug GMCAC Chief Executive Adviser Andrew Harrison sa pag-inspeksyon sa Terminal 2 niadtong Mayo 10.
Ang kongresista ang usa sa nangamahan sa pagkahimong charter sa MCIA pinaagi sa Republic Act No. 6958.
Si Rachel sa iyang post sa iyang Facebook account nipadayag og kahinam sa kabag-uhan sa airport sa Sugbo.
Alang niya usa ka nindot nga kausaban ang lapad nga mga espasyo ug moderno nga arrival area sa Terminal 2 sa MCIA.
“The restrooms alone speak volume of any place. As for the passengers leaving, it will be convenient that you won't need to carry your suitcase into the X-ray machines. You go to the check in counter (which is 60 meters apart form the next one) then the bags go thru the x-ray,” padayag sa kanhi babaye nga kongresista.