Pasidaan ni Duterte

Kapin pa lang sa usa ka tuig human nilingkod sa gahom si Presidente Rodrigo Duterte apan daghang nang kontrobersiya nga iyang nasugang. Bisan namatikdan nga dunay pag-ubos sa iyang ratings sa social weather surveys, hinuon, nagpabilin kini nga naa sa komportable nga level o giisip gihapon nga taas kon itande sa mga nangaging presdente ilang unang duha ka tuig sa katungdanan.

Taliwala kini sa grabe nga pagdaut sa iyang imahen pinaagi sa paggamit sa mga isyu sa extra judicial killings (EJK), human rights, pag-abuso sa iyang pipila ka tinudlo nga opisyal, pagpakigsuod sa China, pagtaktak sa Chief Justice, pag-ilis og presidente sa Senado - ang liderato ni Duterte sa nasod nagpabiling lig-on tungod sa halapad nga suporta sa masa, labing baga sa populasyon. Pulos aprobado sa masa ang gubat ni Duterte batok sa korapsiyon, ilegal nga drugas ug pipila ka reporma sa ekonomiya.

Apan kinahanglan nga magbantay si Duterte. Ang masa dali lang mabali kon magpadayon ang pagtiugbot sa kalisod ug mahitabo ang halapad nga kagutom mugna sa pagrabeng pagdasaka sa presyo sa lana, diin mokutay sa pagmahal sa tanan labi na sa nag-unang palaliton sa mga kabus. Ang gidudahan nga cartel sa lana sa nasod maoy hilom nga mopukan ni Duterte kon dili kini niya masanta samtang sayo pa.

Halos matag semana nagsaka ang presyo sa lana ug niadtong Mayo 22, gipatuman sa big-time oil price nga dul-a sa dos pesos sa gasolina ug krudo. Waay ayo human walay igong gahom ang kagamhanan sa pagsanta? o bisan na lang sa pagsusi okon angyan nga dunay kadako nga umento?

Ang kridibilidad sa Department of Energy (DOE) kaniadt o pa gikuwestiyon. Makadagahang higayon na sama sa tigpamaba sa mga dagkong kompaniya sa lana. Walay igo nga pangdinaliang solusyon. Kon dili kini maatiman ni Duterte, posibling kini nga isyu ang mopalagpot niya sa gahom.