Carcar gihampak sa Mandaue City

Gidabodabuhan sa North Division champion Mandaue City ang host ug south division champion Carcar City sa ilang panagtigi sa Game 1 sa best-of-three championship series sa 1st Governors’s Cup Volleyball Tournament sa Carcar City Gym niadtong Lunes sa gabii.

Ang Mandaue City minghampak sa Carcar sa score nga 25-22, 25-18, 25-17 aron pagposte og 1-0 nga bintaha sa series.

Ang Mandaue City naglisod pa sa pangita sa ilang momentum sa pagsugod sa duwa hinungdan nga nakalabaw ang Carcar, 8-6, sa 1st set.

Human niini, mitawag og timeout ang mandaue Cuty

Apan nabawi ra nuon nila kini human sila mitawag og timeout ang Mandaue unya sa ilang pagbalik, mirehistro kini'g 6-0 nga rally aron kontrolahon og sugod ang duwa.

Si Mandaue City head coach Jerry Perdiguez miingon nga nakuyawan lang ang iyang mga magduduwa sa first set ug iya lang kining gipahinumdoman nga kinahanglang motutok sa duwa.

“Murag nakuyawan ra to akong players kay karon pa lang baya ni sila nagkaabot sa Carcar,” matod ni Perdiguez.

“Once nga mahilom man gud na sila ,akong nabantayan, mo-off dayon na sila. Mao na akong silang giingnan nga mag saba-saba ta para makabalik ta sa atong duwa.”

Human niadto, wala na nakatilaw pagbalik sa labaw ang Carcar hangtod na sa hingpit nilang kapildihan.

“Sa matching, mura og underdog mi ani pero skills wise, mao-mao ra man, alkansi lang gyud mi sa height ug sa stamina,” matod ni Carcar City head coach Guilbert Aliser.

Ang Game 2 series motapon sa Mandaue City Cultural and Sports Complex karong gabii.