DTI-7 MIISYU OG SHOW CAUSE ORDER SA TINDAHAN

Giisyuhan og show-cause order ang usa ka supermarket sa uptown Cebu City human nasuta sa Department of Trade and Industry (DTI) 7 nga manaligya kini sa pipila ka mga de lata og mas taas pa sa suggested retail price (SRP).

Kagahapon gitunolan sa DTI 7 og show-cause ang maong supermarket (ngan gipugngan una sa Superbalita Cebu) diin gihatagan kini og lima ka adlaw sa maong ahensiya aron mohatag sa ilang habig nganong naninda kini og taas pa sa SRP.

Si Dinah Gladys Oro, senior trade and industry development specialist sa Consumer Protection Division, DTI 7 nagkanayon nga atol sa special monitoring nga ilang gihimo nasuta nila nga aduna’y pagsaka gikan sa SRP ang pipila ka de lata gikan sa 35 sentabos hangtod 80 sentabos. Kini mao ang mga de lata, mga meat loaf ug beef loaf.

Gihimo sa DTI 7 ang pakisusi human misaka og maayo ang presyo sa lana.

“They cannot increase right away because majority of our retailers they have what we call inventory. So meaning they are still selling the same stocks,” si Oro nagkanayon. Aduna’y inventory ang mga supermarket sa dan Colon nga moabot sa 30 ngadto sa 45 ka adlaw.

“Dili man jud na siya like karon mo-increase ang fuel, tomorrow automatically they will increase all the prices, no, dili,” pasabot ni Oro. Matod niya nga usa ning prime commodities o kining mga de lata susama sa meat loaf, beef loaf, ug luncheon meat ang mosaka tungod kay ang raw materials niini gikan sa laing nasod diin apektado kini sa foreign exchange kay gibiyahe kini ug gipalit sa laing nasod. Moabot nga mosaka ang prime commodities sa pagsaka sa presyo sa lana.

Base sa kasaykasayan, ang supermarket sa Sugbo, motuman kon padad-an sa DTI 7 og show cause order kini.