Mr. Grand Phils. 2018 kinsa kahay modaug?
Sa June 2 na ipahigayon ang Mr. Grand Philippines sa Crossroads ug niadtong Lunes, nahimamat ko ang mga ambungang kandidato atol sa Talent and Festival Costume Competition sa Resorts World Plaza.
Akong nahimamat ang representative sa Sugbo nga si French Petallo. Ang iyang costume, inspired by Sinulog Festival, ug ang iyang talent, nikanta siya sa iyang kaugalingong composition ug nag-gitara sad.
Tulo ka title ang at stake, ang
Mister Grand Philippines 2018 nga ang bangga sa September 2018 dinhi lang sa Pinas, ang Mister Model of the World 2018 nga ang competition sa Myanmar sa August ug ang Mister Tourism Ambassador International nga ipahigayon sa Kota Kinabalu, Malaysia sa October.
Good luck, French, ug congratulations sa organizers ilabi na ang president and owner of Mr. Grand Philippines nga si Meg Perez.
JOLINA
Nanganak na ang singer/ actress ug tv host nga si Jolina Magdangal. Usa ka bouncing baby girl ang iyang gihimugso nga iyang gipanganlan og Vika Anaya nga ang buot kunong ipasabot sa “Anaya” kay “God answers.”
Ikaduhang anak na kini nila ni Jolina ug sa iyang banang musikero nga si Mark Escueta. Ang
ilang panganay, lalaki nga si Pele nga bibo karon ug may mga tv commercials na.
Two weeks ago, nag-report pa si Jolina sa “Magandang Buhay” ug na-interview pa niya si Ramona Revilla ug cute na cute si Jolens sa triplets ni Ramona.
Ilang weeks or perhaps months lang mawa si Jolina sa Magandang Buhay pero kung medyo modako-dako na si baby Vika Anaya, for sure mobalik dayon si Jolina sa Magandang Buhay just like Melai Cantiveros.
Naku... si Carla Estrada na lang ang di nag-maternity leave sa mga hosts sa “Magandang Buhay.” Haha…
Dili lang ang magtiayong Jolina ug Mark ang happy sa ilang new baby girl, hasta ang parents ni Jolina particularly si Daddy Jun nga wish niyang magka-apo og babaye ug karon natuman na./