WEIGHTLIFTING APIL NA'S CESAFI
Pormal nga gi-anunsiyo sa Cebu Weightlifting Association (WBA) nga nalakip na sa listahan sa sporting events nga naglangkob sa Cebu Schools Athletic Foundation, Inc. (Cesafi) ang weightlifting atol sa ilang gipahigayon nga basic weightlifting seminar kagahapon sa Cebu City
Sports Center (CCSC).
“It’s official,” pamahayag ni CWA president Felix Tiukinhoy Jr. human niya gikompirmar nga naaprubahan na sa Cesafi board ang pagkahilakip sa weightlifting.
Matod ni Tiukinhoy nga malaumon sab sila nga makaumol sila og batan-on nga weightlifters aron mao ang himuon nga pambato sa nasod sa nagkadaiyang
international weightlifting competitions.
“This is great for the athletes because now, we can develop potential weightlifters that will be sent whether to the Olympics or the universal which is the Olympics for student athlethes,” matod ni Tiukinhoy.
Mipadayag sab sa iyang kalipay si 2016 Rio Olympic Silver Medallist Hidilyn Diaz human
niya madunggi ang anunsyo ni Tiukinhoy.
“Wooowww! Syempre sobrang saya ko. It’s an opportunity sa mga bata dito sa Visayas kasi makapag-aral sila sa school dito diba? Tapos, ma-showcase po ang weightlifting. So, malaking bagay to para sa akin at sa CWA,” matod ni Diaz.
Si Diaz, kinsa bag-o lang midaog og gold medal sa 58-kg weight class women’s senior division sa miaging Philippine National Games (PNG), mibalik sa Cebu isip usa sa guest speakers sa gipahigayon nga “Learn Basic Weightlifting” sa CWA. Lakip sa mga speaker sa seminar mao sila si International Weightlifting Federation (IWF) Category 1 licence referee Judith Sadje Sulla ug strength & conditioning specialist Pio Solon. /