Tabal magpabukid sa Italy
Mosagubang na og mas lisod si Mary Joy Tabal sa pagpadayon sa iyang
training sa Italy alang sa iyang kampanya sa 2018 Asian Games nga gikatakda karong Agusto 18 hangtod Septiyembre 2 sa Indonesia.
Human niya naangkon ang titulo sa 21K event sa 23rd Jeju International Tourism Marathon Festival sa Korea niadto lang Dominggo, si Tabal mibalik sa Italy ug ning higayuna, magpabukid na kini.
“The heavy training starts in June leading to the high-altitude training on the second
or third week of June,” matod ni Sugbuanong Olympian sa inetrbyu sa Sun.Star Cebu, igsuong buhatan ning mantalaan.
Ang high-altitude training ni Tabal ipahigayon sa Montea Amiata, nga adunay gitas-on nga 1,739 meters ug adunay distansya nga 49 ka mga kilometros sa iyang main training camp nga mao ang Tuscany Training Camp.
Nagkanayon ang 28 anyos nga garbo sa brgy. Guba, Cebu City nga kinahanglang usabon niya ang iyang panglantaw aron mas molambo pa ang iyang abilidad. “What I need to build is
my confidence. As what my coaches told me I just need to believe in myself, without fears and doubts.”
Nagkanayon si Tabal nga kinahanglang maninguha pa gyud siya'g maayo aron maabot niya ang labing taas sa iyang potensyal.
Alang kaniya nga ang iyang panghunahuna maoy kinahanglan niyang usabon aron dili siya makatalikod sa bisan unsa nga kalisod sa training.
Matod niya nga kinahanglan niyang pahimuslan ang oportunidad diin aduna siya'y saktong nagsuporta kaniya nga naghatag kaniya og maayo nga training.