WARRIORS INILOG, CAVS UNDERDOG
Nasayod ang Cleveland Cavaliers nga grabe ka inilog ang defending champions Golden State Warriors sa ikaupat nilang sunodsunod nga panagharong sa National Basketball Association (NBA) Finals nga sugdan ugma sa korte sa Warriors.
Apan wala manumbaling ang Cavaliers niini. Wala sila nahagit o natarog ang ilang garbo gumikan kay mas nagtutok sila sa usa ka misyon – bawion ang titulo gikan sa Warriors ni coach Steve Kerr.
“Our focus is winning championships, playing our best basketball,” matod ni Cavaliers coach Tyronne Lue.
“Our main focus is to win a championship. We can’t worry about what outside guys are saying. I don’t think we need motivation. Any time you get to the finals you’re playing for a championship and that’s motivation in itself.”
Basi sa nanggawas nga mga taho human nahan-ay og balik ang Warriors-Cavaliers finals, dili ikalimod nga dakong underdog ang Cavaliers hasta sa mga pustanaay sa mga casino sa U.S. mao sab kini ang senaryo.
Apan alang kang Lue, ang ilang naagian ning maong playoffs nga naglangkob og
duha ka mga deciding Game 7 batok sa Indiana Pacers ug Boston Celtics igo na aron madasig silang kumpletuhon ang misyon.
“We don’t have to thrive on that. Being in this position is enough,” pasabot ni Lue. Nagkanayon si Lue nga nasagakod nila ang grabe ka lisod nga mga pagsuway ning maong playoff gumikan sa ilang depensa ug dili mao kini ang angayan nilang hatagan og gibug-aton.
“I think we’ve grown,” batbat ni Lue. “We talk all season about getting better and better so that when we get to the playoffs we’re playing our best basketball. I think defensively we’ve really turned the corner. We’re been playing really physical, getting stops.”
Alang sa lider sa Cavaliers nga si LeBron James, dili na bag-o nga daghan og kuwang
og pagsalig sa ilang kapabilidad gumikan kay ilaha na kining nasinati sa regular season pa lang.
Ang importante alang kang James ug sa Cavaliers, nagpabiling buhi ang ilang paglaom nga makalangkat sa ikaduha nilang titulo hangtod ning puntoha sa kompetisyon.
“We have an opportunity to play for a championship. That’s all that matters,” matod sa four-time MVP.
“We’ve been counted out for a long time this season. It’s a heck of an accomplishment for our ball club. No matter what the storyline is going to be, no matter if we’re picked to win or not, let’s just go out and play.”
Kini maoy ikawalong sunodsunod nga higayon nga nakataak sa finals ang gikonsiderar nga hari sa basketball gikan pa niadtong nagduwa pa kini sa Miami Heat.
Sa pagbiya ni Kyrie Irving aron motapon sa Boston, nagduda na ang kadaghanan kon makasulod ba og balik ang Cavaliers sa finals.
Nisamot ang mga pagduwa dihang adunay dakong kauban sa lineup sa Cavaliers sa tungatungang bahin sa season.
Giklaro sab ni James nga wala na siya maghunahuna nga trade deadline diin mahimo siyang makaapil inig human sa season.
“I switched my mindset at the trade deadline to ‘Let’s get the most out of this season I can,’”
dugang ni James. “I’m trying to squeeze the most out of this orange to where there’s no more juice left.”
Sa walo niya ka pagsulod sa finals, si James nakabira og tulo ka mga titulo diin duha sa Miami ug usa sa Cleveland.