OSMEñA PABOR NI LABELLA NGA IYANG MAKONTRA
Mipadayag si Cebu City Mayor Tomas Osmeña nga di niya pugngan si kanhi mayor Michael Rama nga mudagan karong umaabot nga 2019 nga piniliay aron matagaan og kapilian ang mga tawo kon kinsay botaran.
Nitataw si Osmeña nga ang Pilipinas usa ka “democratic country” busa di niya pugngan si Rama sa pagdagan busa gihatagan niya og kahigayon ang mga tawo nga adunay kapilian.
“It’s good for democracy that there is a choice, that’s the essence of democracy, makapili gyud ang tawo… I’m just giving people another choice,” asoy sa mayor.
Mipaambit usab si Osmeña tali nilang Rama ug Bise Mayor Edgard Labella, diin gitumbok sa mayor nga ang mas kusog nga kandidato mao si Labella.
“Because Labella cannot make Rama win in his own precinct and Rama can make Labella win in Basak San Nico- las,” dugang saysay ni Osmeña
Apan nitataw siya nga kon mudagan si Rama di siya makadaog sa presinto ni Labella.
“So if Labella will run, he will win of course in his own precinct and he will win on Rama’s precinct,” padayag sa mayor nga mamahimong 2-1 ang standing sa duha ka kandidato way labot sa Barangay Mabolo.
“So he’s the strongest candidate (Labella)… because he’s weak (Rama),” dugang ni Osmeña.
Dihang nanumpa si Labella isip president sa PDP-Laban Cebu City Chapter kang House Speaker Pantaleon Alvarez niadtong Enero bukas siya nga magpapili isip mayor sa dakbayan as Sugbo.
Sa iyang bahin, si Rama nagpahibawo na usab siya iyang tinguha sa pagdagan og balik isip mayor human siya maparot kang Osmeña niadtong piniliay sa Mayo 2016.