R. Queens sud na sa 4th Alin Cup finals

Gipukan sa R. Queens ang Mac Bar, 92-85, sa semifinals round sa 4th Alin Cup All Employees League basketball tournament sa barangay Tinago gym, ning dakbayan.

Sa kadaugan, ang R. Queens nga gipangulohan nila ni Israel Alin ug John Abinales kinsa tagsatagsang mitali og 20 puntos, miabante na ngadto sa finals.

Sa laing duwa, pabiling buhi ang kampanya sa defending champion Quicktrail human ilang gipakuratan ang topseed Paramount sa usa ka pisikal nga duwa, 89-81.

Ang kanhi sakop sa University of the Visayas (UV) Green Lancers nga si Chris Perolino miyagyag og 31 puntos aron pangulohan ang Quicktrail.

Gumikan kay twice-to-beat man ang top seed nga Paramount sa semis, adunay knockout match nga ipahigayon ugmang adlawa diin ang modaog niini maoy makakuha sa katungod nga makigsangka sa finals sa nagpaabot nga R. Queens.

Puntos matag usa: Unang duwa:

R, Queens (92) - I. Alin 20, Abinales 20, Filoteo 19, Almirol 10, Colegado 9, Egpit 9, Toring 3, Martinez 2.

Nac Bar (85) - R. Barral 20, Estorgio 19, N. Castillo 14, Labrador 10, Gamao 10, Raya 5, Barcenas 3, L. Barral 2, R. Castillo 2. Ikaduhang duwa: Quicktrail (89) - Perolino 31, Lleve 15, Boyo 14, Diez 10, J. Alin 8, Semblante 5, Gallano 4, Baltonado 2, Monteron 2. Paramount (81) - Quiros 21, Singson 19, Nudalo 12, Tradio 9, Manolong 5, Guinsado 5, Canedo 2.