KINATAWO GIKAON SA IHO
Napaksit ang kinatawo sa batan-ong lalake dihang milangoy siya uban sa iyang mga higala duol sa baybayon.
Sa taho sa mirror.co.uk, nagtumbok nga ang mga tawo nga diha sa baybayon daling miduol sa batan-ong lalake aron tabangan kini ug gibitad siya gikan sa dagat human sa pangatake sa iho kaniya.
Giatake si Jose Ernestor da Silva sa iho bisan pa man gipahimangnoan siya sa mga lifeguard nga di moabot sa layo, matod sa taho.
Adunay video nga nagpakita sa mga rescuer nga nag-alsa sa 18 anyos nga si Da Silva sa Piedade beach duol sa Recife, Brazil.
Misuway sila sa pagpahunong sa dugo pinaagi sa paghigot og senina ngadto sa samad samtang ang uban madunggan nga nag-awhag sa bata nga moginhawa.
Gidali sa pagdala sa ambulansiya si Da Silva diin gikataho nga giatake kini sa kasing- kasing sud sa duha ka higayon ug karon anaa sa kritikal nga kondisyon.
Bisan sa emergency surgery, ang kinatawo naputol kini nunot sa pagpapaak sa gituohan nga “tiger shark”, matod sa mga doktor.
Si Rodrigo Matias, sa Recife Fire Department, namahayag nga ang biktima nilangoy uban sa iyang mga iguson ug higala sa lawom nga tubig duol sa baybayon diin may marka sa pahibawo nga magbantay sa pagpangatake sa mga iho.
Dihang nakit-an ang grupo nga mingadto na sa lawom, ang mga lifeguard mitawag kanila nga mobalik sa baybayon.
Sa insaktong higayon nga nanawag ang mga lifeguard mao usab ang higayon nga gipaak ang biktima.
Matod ni Ambulance medic Wagner Monteiro nga si Da Silva giatake sa kasingkasing human miabot sa Aeronautica Hospital ug laing pag-atake dihang gidala na siya sa Restauracao Hospital nga nahimutang sa Recife.
Nibutyag si Monteiro nga naputol ang kinatawo sa biktima human gipaak sa iho unya daghang nahanaw niya nga dugo busa anaa siya sa kritikal nga kondisyon.
Ang tigpamaba sa Restauracao Hospital nipahibawo nga si Da Silva gidala sa pagpaubos sa surgery human miabot sa hospital.
Si Elisangela dos Anjos, 43, inahan ni Da Silva, nihisgot sa JC Online sa Brazil nga miadto sa dagat ang iyang anak nga wa siya mahibawo ug nahibaw-an lang niya kini dihang ang iyang igsuon nga si Ezequiel nga kuyog niini ang nitawag kaniya human sa nahitabo. /