Adunay hulagway sa cellphone bisan way mikuha

Nakugang ang usa ka inahan dihang iyang gitan-aw iyang smartphone nakakita siuyag hulagway nga natug siya diha sa iyang katre apan di siya ang nagkuha niini.

Si Debra Demetriou nangangkon nga ang hanap nga hulagway dihang diha siya sa balay ug gikandaduhan kini.

Sa taho sa mirror.co.uk, ang hulagway gikuha diha sa tiilan sa iyang katre diin nagpakita sa iyang mata nga gamay ra nga abli ug may habol siya nga kutob ra sa suwang.

Niinsister si Demetriou nga ang iyang Samsung S7 anaa sa ilawom sa unlan dihang natug na siya ug diha ra gihapon kini dihang nimata siya, matod sa taho sa Chronicle Live.

Ang molupyo sa Benton, Newcastle, namahayag nga iyang nadiskubrehan ang hulagway dihang gitan-aw niya ang mga hulagway nga iyang gikuha nianang pagka-gabii.

Matod niya nga way laing tawo sa ilang balay niadtong higayona busa nakugang siya sa hulagway.

Nitataw siya nga ang iyang kamaguwangan nga anak nibiya alang sa trabaho mga 45 minutos sa wa pa makuha ang hulagway ug ang iyang laing anak didto sa iyang amahan.

Ang balay gikandaduhan, wa mahikap nianang gabii ug way sinyales nga giguba kini, midugang siya.

Ang hulagway gikahibung kaayo niya kay di siya makahinumdum kon si kinsa ang nikuha niini.

Si Paranormal investigator Sammy Rawlinson misusi sa hulagway ug miangkon nga nabalisa siya niini.

Matod ni Rawlinson, kinsa Stockton psychic, nga ang mga espirito mohimo og mga butang aron kuhaon ang atong atensyon. /