Higanteng building sa kapitolyo

Maayong balita. Giaprobahan sa Cebu Provincial Board ang P1.9 bilyon nga supplemental budget alang karong tuiga.

Ug ang P1.5 bilyon maoy gamiton alang sa katukoran sa 20-story building sa Cebu Provincial Resource Center .

Sa pagbarug unya niini human sa bidding kini maoy unang higanteng building nga motuyhakaw nga gipanag-iya sa local government unit (LGU).

Ang edipisyo nga mobarog sud sa Capitol compound nga gi- loan sa Development Bank of the Philippines ( DBP ) mapuslanon ug di pa maalkansi ang Kapitolyo.

Kay abangan man ang pipila ka mga andana niini sa ubang pribadong kompanya . Gani nag-ilog ang mga bangko alang sa unang andana.

Kini maoy usa ka butang nga dili makalimtan sa katawhan sa pag lingkod kanila ni Gobernador Junjun Davide ug pag-abag ni Bise Gobernador Agnes Magpale.

Inig barug unya sa building nagmarka kini ug nagda sa pangan sa probinsya sa Sugbo ug hulagway sa mga nahimo ni Davide ug Magpale.

Sayon alang sa Kapitolyo ang pagbayad kay duna may igong pondo ang panudlanan sa kaban sa panalapi.

Ang Kapitolyo sa Sugbo maoy labing datu o the Richest province. Gawas niini wala giwaldas sa mga namonoan ang kuwarta ug ginamit sa tukmang pamaagi.

HALOK SA PRESIDENTE

Lahap ra man sab kaayo ang ilang alegasyon nga gitsola ni Presidente Rodrigo Duterte, ang usa ka OFW .

Sa akong tan-aw ug pag review sa video diman gubat sa pinaakay sa baba ug pag abot sa dila ang nahitabo. Malisyuso lang ang kritiko.

Sa akong tan-aw snack kiss, aw, smack kiss ra diay ang nahitabo. Hinuon, ang presidente naila naman gud sa pagka “B” ug “M” tungod sa paggamit sa mga terminong bastos.

NBA NAKAPAAWAY

Ok lang og gi -block akong FB account sa akong giilang amigo, kaila ug kauban sa buhat nga anaa sa print.

Para nako nagpabilin ang among panag-amigo bisan pa sa iyang kapildihan. Wa nako gikuha sa ilang opisina ang among gikasabotan kay gipreserbar ang among panag-amigo kay ang kuwarta makit-an ra.

Kon mapildi ang CAVS sa Warriors sa Game 3, sa homecourt sa Cleveland akong tanaw ma-sweep ug maaangkon ang kampeonato sa Golden State Warriors tungod sa ilang maayong opensa ug banga sa depensa ang Cavs.