COA makalibog usahay

Klase na sab og mosamot na sab ka grabe ang problema sa trapiko. Naghuot ang mga kalsada, taas ang linya sa mga sakyanan og halos dili na molihok ang mga sakyanan tungod sa kahuot.

Labi na kay namalik na sab ang mga estudyante sa mga lain-laing tunghaan.

Kada tuig, mao kini ang problema nga atong giatubang.

Dunay mga bag-ong kalsada, dunay pagpalapad sa mga kalsada og dunay mga bagong tulay o tunnel nga gihimo aron moluag-luag ang trapiko.

Mao kini ang gihimo sa gobierno.

Nasulbad ba ang kahuot sa trapiko?

Tubag, wala.

Ngano man?

Tungod kay walay undang ang pagdugang sa mga sakyanan, pribado o pang-publiko nga mogamit sa mga kalsada.

Nagkadaghan ang mga sakyanan tungod kay sayon ra kaayo makapalit og sakyanan ang mga katawhan.

Labi na ang motorsiklo. Karong panahona, pwede na makakuha og bag-o nga motorsiklo bisan kon mohatag lang og pasiuna nga 1 ka libo.

Mao kini hinungdan nga nagdasok ang mga kadalanan sa mga motorsiklo.

Makita sab nato ang ubang kadalanan nga gigama nga garahian sa mga sakyanan.

Dunay mga kalsada nga gigama og “repair shop” kay mismo sa kalsada mag-ayo sa mga sakyanan.

Dunay mga kalsada nga gigama og terminal sa mga sakyanan.

Dunay mga kalsada nga gibutangan og tindahan ang kilid.

Kanunay nato kining makita (Ang kinatibuk-ang lindog ni Atty. Diputado mabasa sa http://www.sunstar.com.ph/ article/1746572/Superbalita-Cebu/Opinyon/ Diputado-Makalibog-usahay-ang-COA og makita sab nato nga wala lang kini undanga sa kagamhanan.

Tungod niini, dili na kita angay matingala ngano nga magdasok ang trapiko sa kadalanan.

Lisod sabton ang Commission on Audit (COA).

Dihay usa ka Bise Gobernador kaniadto nga mikuha og bag-ong sakyanan. Sumala sa mga dokumento nga apil sa Bid Documents, giklaro sa kanhi Bise Gobernador nga gusto siya og Mitsubishi Montero.

Sa bidding nga gihimo, migawas nga mananaog ang Mitsubishi Montero og mao gyod kini ang sakyanan opisyal nga gigamit sa Bise Gobernador.

Mipagawas ang COA og Audit Observation Memo (AOM) diin gisulti sa COA nga nakalapas sa Procuments Law ang gihimo sa Bise Gobernador.

Matod pa sa COA, dili mahimo nga hinganlan ang sakyanan kondili “i-describe” lang ang “engine displacement, etc…”

Klaro kaayo ang kalapasan nga nahimo.

Mao kini hinungdan nga daghan ang nagtuo nga mopagawas ang COA og Notice of Disallowance.

Nahitabo kini sa wala pa ang 2016 elections.

Apan katingad-an kay hangtod karon, walay Notice of Disallowance nga gipagawas ang COA.

Ngano kaha? Discretionary ba sa COA ang pagpagawas og Notice of Disallowance?

Gipusil-patay ang Mayor sa Buenavista, Bohol dili pa lang dugay.

Dihay balita nga nag-ingon nga sarado na ang imbestigasyon.

Pasabot, dili na padayonon sa kapolisan ang imbestigasyon sa maong krimen.

Ngano man kaha?