FRANK MAGALONA WA PA KAGAWAS Ellen wa motunga sa unang hearing
Hangtod ning pagsuwat padayong gibalhog sa Taguig police station si Francis Michael “Frank” Magalona.
Si Frank anak ni anhing Francis Magalona ug talent
manager nga si Pia ArroyoMagalona ug igsuon nilang Elmo, Saab ug Maxene Magalona.
Si Frank gidakup sa Taguig police human nireklamo ang usa ka babaye nga gihikap kuno niini ang iyang sampot niadtong Lunes sa kaadlawon sud sa usa ka bar.
Ang biktima giingong dunay gikuha dihang kalit nibutho si Frank sa iyang luyo ug gipislit ang iyang sampot.
Ang biktima nga wala nganli giingong VIP host sa Revel Bar. Wala pay reaksyon ang pamilyang Magalona sa isyu. /
Wala motunga si Ellen Adarna sa unang hearing sa kasong child abuse ug cybercrime nga gipasaka sa mga ginikanan sa teenager nga si Eleila Santos batok sa aktres.
Ang hearing gihimo sa Office of the City Prosecutor sa Pasig City niadtong Lunes, June 4.
Base sa taho sa ABS-CBN, nitambong ang mga ginikanan ni Eleila nga silang Myra ug Roel Santos, kauban ang ilang abogado.
Matod usab sa Pep nga giisbog ang hearing sa June 11. “Santos family would just await for the Child Abuse and Cybercrime cases to take its due course.” Ang papa ni Ellen nga si Alan Modeso Adarna namatay
sa miaging semana tungod sa cardiac arrest.
Si Ellen gikiha sa pamilyang Santos human matod pa gipakauwawan sa aktres ang dalagita nilang anak sa social
media nga iyang gipasanginlan nga “paparazzi.” /