Suporta sa papa , wa giila sa anak

Dear Atty. Joan,

Ako kay si Maria. Nabuntis ko sa ako uyab, nagpangalan og Jerry, pero iya kong gibiyaan dayon pagkabalo niya nga buntis ko. Ana siya na dili siya motuo nga iyang anak ang akong gisabak. Usa ra man tawn ko ka labandera, dili nako kaya nga ako ra usa ang magsuporta para sa akong anak. Pwede ba ko mangayo og suporta sa kang Jerry para sa amoang anak, bisan wala siya nipirma sa birth certificate sa among anak?

Maria Dear Maria,

Ang imong anak kay usa ka ilihitimong anak man kay wala man mo nakasal sa imong uyab. Dili sama sa usa ka lehitimong anak, ang usa ka ilihitimong anak kay dapat una ilhon sa iyang amahan usa siya makapangayo og suporta sa iyang amahan. Pwede nimo papirmahon usa ang amahan sa imong anak sa birth certificate.

Sumala sa imong giingon nga dili ilhon ang imong anak sa iyang amahan, pwede ka mo-file og kaso para compulsory recognition og support sa Family Court kon asa mo nagpuyo. Dapat ka mag-andam og mga ebedensya para mapakita ang ilihitimong kaliwatan sa imong anak. Dapat maestablisar nimo ang imong uyab nga si Jerry ang amahan sa imong anak. Kon makita na ni sa korte, mohatag na ang korte og order para ilhon sa amahan ang inyong anak og para mohatag kini og financial nga suporta.

Atty. Joan

Pahibalo: Kini opinyon lamang nga nagbase sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon aduna pa kamoy mga pangutana nga adunay kalabutan sa katungod sa mga bata, kontak sa hotline 0908896-0355.