ABUEVA PADAYON PA'NG GIPANGITA
Mismong si Gilas Pilipinas coach Chot Reyes wala nasayod kon asa na si Alaska Aces forward Calvin Abueva.
“Where in the world is Calvin Abueva again? I think even his mother team is having problem
with him now,” matod ni Reyes human wala motunga ang gitawag og The Beast sa praktis sa Gilas niadtong Lunes sa gabii sa Meralco Gym sa kaulohan sa interbyu sa Spin.ph.
Human sa Philippine Basketball Association (PBA) All-Star Week, ang kilas nga Kapampangan forward wala na magpakita sa mga praktis ug mismong duwa sa Alas sa PBA Commissioner’s Cup.
Giklaro ni Reyes nga bisan wala siya’y kasayuran kon naunsa na si Abueva, iya gihapon kining giapil sa listahan sa Gilas national training pool sama sa uban nga wala sab nakatunga niadtong Lunes.
Dili kini ang labing unang higayon nga nawagtang si Abueva senaryo sa basketball sa Pilipinas.
Sa miaging tuig, gitangtang ni Reyes sa national pool ang kanhi NCAA MVP human kini wala nagpakita sa ilang mga praktis alang sa second window sa Fiba World Cup qualifiers.
Hinuon dihang nibutho si Abueva unya mirason ug nangayo’g pasaylo, gidawat ra kini pagbalik ni Reyes.
Ning higayuna, gklaro ni Reyes nga wala na sila’y tangtangon sa mga magduduwa nga nabutang na sa national
training pool.
“Wala na kaming tinatanggal sa pool eh. There are just people who, if they are not able to come and all that, then obviously they’re not going to be in consideration for the next window or for the next 12,” pasabot ni Reyes.
“Wala naman talaga tayong tinatanggal as officially removed from the pool. That’s why it’s good to have the pool system.”
Dili lang kini ang problema nga gisagubang sa Gilas sa kasamtangan, anaa ang pagkaangol ni Kevin Alas ug ang pagkasuspenso ni Kiefer Ravena sa FIBA sulod sa 18 ka mga buwan.
Kini maoy hinungdan nga gipatawag og balik ni Reyes si Baser Amer aron makatapak sa haw-ang sa ilang