Standhardinger mipasalig nga moduwa sa 3x3

Mga duwa karon 4:30 pm- Magnolia batok Blackwater 7:00 pm- San Miguel batok Columbian Dyip

Giklaro ni 2018 Philippine Basketball Association (PBA) first pick ug San Miguel rookie Christian Standhardinger nga prayorida gihapon niya ang pagduwa sa FIBA 3X3 World Cup karung Hunyo 8-12 sa Philippine Arena sa Bulacan.

Gipasabot siya nga buhaton niya ang tanan aron maalim dayon ang angol sa iyang tuhod nga maoy hinungdan nga wala siya nakapakita og aksyon sa duwa sa Beermen ug Brgy. Ginebra Gin Kings niadtong Dominggo sa PBA Commissioner’s Cup.

“I will do everything on my part to play 3x3 as that’s very

important for me,” matod ni Standhardinger sa interbyu sa www.abs-cbnnews.com.

Dili pa sab gihapon makaduwa si Standhardinger sa laing tahas sa Beermen sa Commissioner’s Cup batok sa Columbian Dyip sa main game karong gabii sa Araneta Coliseum.

Matod ni San Miguel head coach Leo Austria nga gitambagan na sila sa doktor nga ipapahuway usa ang tiil ni Standhardinger aron dili mosamot ang angol niini.

“Nagkaroon ng inflammation around the knee, and there’s a fluid sa joint niya and we’re able to struck out, I think 65 cc of fluid. And doctor advised him to rest for two days,” pasabot ni Austria.

Gipaneguro sa Fil-German bigman nga dili kini magapugong kaniya sa iyang obligasyon sa Pilipinas alang sa umaabot nga 3x3 World Cup.

Kauban ni Standhardinger sa RP team mao sila si Stanley Pringle, Roger Pogoy ug Troy Rosario.