Warriors nag-umol sab og dinastiya
Nagbalikbalik na sa pag-ingon sila si Golden State Warriors coach Steve Kerr ug kanhi back-to-back MVP Stephen Curry nga tinguha nilang magmugna og usa ka espisyal nga panghitabo sulod sa dugay nga panahon – usa ka dinastiya sa National Basketball Association (NBA).
Dili kini imposibleng mahitabo.
Alang kang Cleveland Cavaliers superstar LeBron James, ang kanunay niyang gikaharong sa NBA Finals nahilakip sa usa sa labing lig-ong mga puwersa nga naporma sa kasaysayan sa liga.
Sa kasamtangang NBA Finals, mialisngaw na ang ikatulong titulo sa Warriors sulod sa upat ka mga tuig human sila nakaposte og 2-0 nga bintaha batok sa Cavaliers sa best-of-seven series.
Kon molampos ang Warriors ning maong finals, mahilakip na ba kaha sila sa debate kabahin sa dinastiya sa NBA? Puwedeng dili pa kini haom apan ang labing seguro, magpadayon pa ang ilang paghari sa taastaas nga panahon.
“As a fan of the NBA, you could go down the list of the teams that won multiple years and just dominated the league for stretches of time,” matod ni Curry.
Ang Warriors mosuway pag-apil sa tapok nila ni Bill Russell ug Boston Celtics, Michael Jordan ug Chicago Bulls ug ang tulo ka henerasyon sa Los Angeles Lakers gikan ni George Mikan niadtong 1950,
Magic Johnson ug Kareem Abdul-Jabbar niadtong dekada 80 ug nila ni Shaquille O’Neal ug Kobe Bryant niadtong ulahing bahin sa dekada 90.
“Listen, Golden State is one of the best teams I’ve ever played. It’s one of the best teams that’s
ever been assembled,” matod ni James, kinsa usa ka fourtime MVP.
Gawas kang Curry, ang Warriors aduna pa’y laing tuko ka All-Stars nga sila si kanhi MVP Kevin Durant, Klay Thompson ug Draymond Green.
Unya ang mga gaway sa Warriors pulos sab adunay ikabuga sa panahon nga gikinahanglan hilabi na sila si kanhi Finals MVP Andrte Iguodala ug Shaun Livingston. “You look at it, they’ve got four Hall of Famers on their
team in Klay, Dray, Steph and KD. They’ve got a Finals MVP that comes off their bench,” dugang ni James.
“... I don’t know where they will fall in my book, but they will have a nice chapter.”
Alang sa uban, layo pa ang daganon sa Warriors una sila makonsiderar nga nakatukod na og dinastiya.
“We don’t have any dynasties. It’s been a long time since we’ve had a dynasty,” matod pa ni basketball legend Chales Barkley.
“The Bulls won six, the Spurs won five. We’ve had a lot of really good teams. I think the only dynasty is the Spurs. They’ve been great for 20 years. The Warriors are not going to win. Winning two in four years is not a dynasty.”