GAME 3 KRUSYAL SA NBA FINALS
Sa pagtapon sa National Basketball Association (NBA) Finals series sa balwarte Cleveland Cavaliers sa Quicken Loans Arena alang sa Game 3 nga ipahigayon ugma (RP time), posibleng mahukman na ang best-of-seven nga engkuwentro.
Human nila nasilhig pagdaog ang nag-unang duha ka mga duwa sa series sa ilang korte sa Oracle Arena sa Oakland, ang
defending champions Golden State Warriors adunay kahigayunan nga malangkat pagbalik ang titulo sa magsunod nga duha ka mga duwa sa series nga pulos ipahigayon sa tugkaran sa Cavaliers.
Apan ang labing krusyal niini mao ang Game 3.
Kon modaog ang Warriors ning sangkaa, hayan makaposte sila og 3-0 nga bintaha nga wala pa’y nakabangon sukad masukad sa kasaysayan sa NBA.
Apan alang sa Warriors, layo pa sila sa kinatumyan ning engkuwentruha.
“I don’t think we’re close to our ceiling, which is good for us,” batbat ni Warriors forward Draymond Green. “We can play so much better. We’re going to need that going out on the road.”
Buhi pa sa alimpatakan sa Warriors ang sakit nga ilang gibati dihang gipapha sa hing- pit sa Cavaliers ang ilang 3-1 nga bintaha sa series niadtong 2016 Finals. Mao kini ang labing unang higayon nga mingkampiyon ang Cavaliers sa NBA.
Alang sa Cavaliers, dako-dako pa ang ilang poruhan sa series kon modaog sila sa Game 3.
“We have to make sure that we really bring it in game three because that’s really the game
right there,” matod ni Cavaliers forward Kevin Love.
“This is a team you don’t want to be down 0-3 against.”
Ang Cavaliers adunay 8-1 nga rekord sa ilang tugkaran ning maong playoffs diin bugtong ang Indiana Pacers lang ang nakapilde kanila sa 1st round. “We feed off our crowd. We
really get up to play at home. We know that come Wednesday we’re going to have to be better,” dugang ni Love. “Just being in front of our crowd will be huge for us.”
Kini maoy ikaupat nga sunodsunod nga katuigan nga nagparang ang Cavaliers ug Warriors sa finals. Sa nangagi nilang mga engkuwentro sa tanang finals, ang Cavaliers aduna’y 4-4 nga rekord sulod sa ilang korte.
Nagpasabot lang kini nga adunay kapabilidad ang Warriors nga modaog atubangan sa mga dumadapig sa Cavaliers. “We have to do a better job at home,” asoy ni Cavs guard J.R. Smith. “We can’t keep taking positives from losses. We’re doing some good things, but it’s not translating into Ws so we’ve got to figure it out.”
Ang Cavaliers maoy katapusang nasiruhan, 0-4, sa
finals diin ila kining nasinati niadtong 2007 batok sa San Antonio Spurs. Mao kini ang labing unang pagtaak ni LeBron James sa finals.
“It sucks to lose, that’s for sure, but it definitely won’t stop me from preparing to be better,” matod ni James.
“We’ve played some really good basketball on our home floor. But that shouldn’t give us any comfort. We should still be uncomfortable. Just because we’re going home doesn’t mean we can relax. This is the last team in the world you want to relax against.”
Kini maoy ikawalong sunodsunod nga higayon nga nakatunod sa finals si LeBron James gikan niadtong pagtapon niya sa Miami Heat, nga iyang nabinlan og duha ka mga titulo una siya mibalik sa Cleveland.