Cebu City mohimo og simpleng kalihukan sa 120th Independence Day

Simpleng mga kalihokan ang giandam sa Siyudad sa Sugbo alang sa pagsaulog sa ika-120 nga Independence Day sa Pilipinas karon.

Matod ni Mayor Tomas Osmeña nga kasagaran magpahigayon og parade kon diin maglakaw gikan sa Capitol diritso sa Cebu City Hall.

Apan sa iyang termino, iya kining gitangtang tungod kay dili matagaan og kagawasan ang mga musalmot hinungdan sa kapuyon lang sila sa paglakaw.

Adunay laing mahimo anang adlawa hilabi na nga holiday kini ug makapahuway ang mga mamumuo.

“Luoy ang mga tawo ba, why do you make people walk all the way from Capitol anda all the schools, and then all the government agencies… just tell them to go home and watch NBA Championship, ma happy pa,” pasiaw ni Osmeña.

Adunay misa nga magsugod sa 7:30 sa buntag sa Plaza Sugbo ug mosunod na ang mga nagkadaiyang presentasyon ug mohatag si Mayor Tomas Osmeña og pakigpulong. Gipangandaman usab ang

exhibits sa paintings ug artifacts sa mga Sugbuanong bayani nga ipahigayon sa Cebu City Museum ug mulungtad og usa ka semana.

Imbitado sa selebrasyon ang ang department heads, regional directors, mga regional officers, civic organizations, mga opisyal sa city hall, ug uban pa.

Ang kasaulugan sa 120th Independence Day sa nasod may tema nga “KALAYAAN 2018: Pagbabagong Ipinaglaban, Alay sa Masaganang Kinabukasan.”/